السيسي: «لازم جيوب الناس تتملي بالأفكار»

قال الرئيس عبد الفتاح السيسي، إن الفرص موجودة للصناعة في مصر ولا تُستغل، منوها: "لازم جيوب الناس تتملي بالأفكار، وبوجه الحكومة بخطة لذبح الرؤوس الماشية وتغذيتهم بالشكل الصحيح".

وقال الرئيس خلال زيارته لمصنع اليوريا ونترات الأمونيا بمنطقة كيما بمحافظة أسوان، الثلاثاء: "إحنا مهمومين بأهل الريف أوي، والثروة الحيوانية في مصر تحتاج إلي تغذية سليمة لزيادة الإنتاج، والدولة لازم تشارك في ده خلال من 3 لـ 5 سنوات، وبقول عالهواء حالة الفقر اللي إحنا فيها ليها حلول".

وأضاف: "أنا مش عاوز حاجة من المواطن أنا هديله وإحنا سوق متواضع، ويا جماعة يا بتوع البرلمان ياللي بتقولولي زود سع طن القصب.. أنا عاوز أزودلك إنتاج اللي هيزودلك السع.. لما تيجي تقولي إن الفدان يجيب 65 أنا أقولك لا إحنا لازم نخليه 70 بالحرص والاهتمام.. ولما إحنا نجيب أقصى طاقة عندنا في كل شيء هيجيلكوا خير كتير".

وتابع: "إحنا هنا ليس لإحراج بعضنا البعض، ولازم تعرفوا ليه البلد دي ضاعت.. اللي كان وبالنسبة لبحيرات مصر تحتاج إلى الاستزراع السمكي.. وفدان الأرض اللي بينتج 60 لا خليهم 65..".

واستكمل الرئيس: "الزراعة الرأسية تستهدف زيادة المنتج بدون الحاجة للكميات الكبيرة من المياه، خاصة وأن المواطن صاحب مصلحة، وطن القصب من 810 لـ 1000جنيه، والـ 40 طم في الفدان بعد خصم المصاريف يعود بزيادة 50%".

وأوضح: "في فرق ما بين الكلام اللي بنقوله على المكاتب واللي بيحصل على الأرض.. واللي بيشتغل معانا بيتعذب.. والري بالتنقيط بيقلل التلوث ويوفر في العمالة والمياه وبالتالي زراعات أكبر واستصلاح أكتر.. ولازم نشجع الشباب على المشروعات".

من جانبه، قال وزير الزراعة إن الرؤية المستقبيلة لصناعة الأسمدة هي تلبية احتياج السوق المحلي، والتوسع في الأسمدة الأزوتية والفوسفاتية والورقية للنبات، ومحاولة التوسع في الأسمدة "البوتاسية" بالمشاركة مع القطاع الخاص.

وأشار القصير إلى أن خريطة السماد المتواجدة الآن من عام 1980، ونحن الآن نعيش أنظمة حديثة نحتاجها في العمل الفترة المقبلة.

اقرأ أيضا: السيسي: «هشام توفيق أكتر حد شفته في قطاع الأعمال خايف على الشغل»