تصريحات أحمد فلوكس تثير الجدل على السوشيال ميديا.. هاجم الصحفيين وانتقد هادي الباجوري.. تفاصيل
أثار الفنان أحمد فلوكس الجدل منذ الساعات الأولى من صباح اليوم الثلاثاء الموافق 15 فبراير، حيث خرج بعدد من التصريحات التي أغضبت البعض منها هجوم ومنها انتقاد لاذع.
"الطريق" يرصد تصريحات أحمد فلوكس المثيرة للجدل في السطور التالية
أحمد فلوكس يهاجم إلهام شاهين
كتب أحمد فلوكس عبر حسابه على "فيسبوك": "بعيدًا عن معزتك ومعزة اخواتك عندي واني بعتبرك بـ 100 راجل لأهلك واللي عملتيه ليهم كلهم بس ممكن استأذنك متتكلميش تاني في الكلام ده، البوسة بنعتبرها حاليًا منافية للأداب، آمال امتى يا فندم نعتبر الشيء منافي للأداب، لما نلاقي العيل نازل وبشهاداته كمان هنا يبقى سفالة مثلًا طب سيبك من ده كله، الدين إيه، الشاشة دي بتربي أجيال وبتشكل وجدان، مش بتربي وحوش وبتعمل أوضاع احيه".
وأردف: "على كده بقى احنا نعتبر الأفلام السكس أفلام تثقيفية تعليمية أرشادية الغرض منها التعليم والتمرين وإنها أفلام هادفة، اقسم بالله أنا هادفة في البرد من كتر الأنفعال، سامحيني أنا بحبك بس مبقتش قادر استحمل يا جماعة الشيطان نفسه مش مصدق اللي احنا كبشر بنعمله وبيستغفر ربنا، الأفلام بقت مرجعية والنوافل بقت مهرجانات والذكاه بقت نقطة والحج بقي تشكيل أسف جدًا، ومش عاوز أسمع كلمة حرية الفن حرية الفن دي ابقى أشرحها لأمك ليلة الدخلة مش لينا احنا ومش عايز اسمع كلمة حرية التعبير لأن حرية التعبير بردو اشرحها لأمك يوم الدخلها وازاي تعبر بجميع الأصوات اما للشعب لا كفايه حريات".
أحمد فلوكس يهاجم هادي الباجوري
كما وجه أحمد فلوكس، هجوم شديد للمخرج هادي الباجوري عقب تعليقه بشأن قبوله أن تُقبل زوجته النجمة الشابة ياسمين رئيس في الأعمال الفنية، قائلا: "ناس مين اللي بتسيب بناتها وزوجاتها تلبس مايوه عريان مش فاهم اتكلم عن نفسك يا ريس وعن نوعك انت معندكش مشاكل إن مراتك تتباس ده موضوعك مش موضعنا براحتك لكن ده انت وده نوعك انت احنا لا انت بتقول ايه اتقى الله".
وأضاف: "يعني واحد بيشم يبقى كل الناس شمامة واحد فاشل تبقى كل الناس فشلة وللأسف الكلام متاخد عنوان وللأسف أنا مش فاهم ده بيتاخد برأي جنابه ليه ملوش ولا فيلم ناجح ولا اي شيء ناجح محدش بيفتكر غير المايوهات اللي فيلمه زي فيلم اللي رانيا يوسف طالعه فيه وكام حاجة كلهم كوكاين وشم ونسوان ومايوهات يعني ولا عمل ليه ناجح حتي شيريهان عودتها سواء مسرح أو إعلان مش هتكلم الأسطورة ولا كأنها رجعت ولسه اساسًا بيشتغل، امتي المهنة دي تتعدل وتنضف بقى خلوها تنضف وبعدين بنزعل لما بيتقال علي الفنانين دول كذا وكذا وكذا اتفضلوا ماهو من الكذا العلني اهو خلوها تنضف بقي".
أحمد فلوكس يهاجم الصحفيين
وعن الصحفيين قال أحمد فلوكس، في فيديو نشره عبر حسابه الشخصي على موقع التواصل الاجتماعي "فيسبوك: "٩٠% من الناس اللي بتكتب مش خريجي صحافة وناس مش عارفين التعبيرات اللغوية معناها ايه و مبيجروش غير ورا التريند، كل اللي عملوا التريند ده مذكورين في القرآن مضللين منافقين كاذبين".
اقرأ أيضًا: أحمد العوضي خارج السباق الرمضاني لـ 2022.. تعرف على السبب
واختتم حديثة قائلا: "أبويا قال أنه لولا شهادته الهندسة كان هيبقى بيشحت، الصحفيين طلعوا منشتات بأنه فاروق فلوكس قاعد بعصاية بيشحت وأنه ابنه راميه وسايبه مش لاقي ياكل، اتقوا الله عشان بعد كده اللي هلمحه همرجحه"، مشيرًا إلى أن الصحفيين منافقون وكاذبون ومضللون، وقال: "عاملين زي اللي بيجري وراء جيبة عريانة وهو ميعرفش هيلاقي ايه تحتها احنا أسرة محترمة متشوهوش صورتنا، أنتوا بوابين مش إعلاميين".
