أحمد فلوكس يكشف عن أسوأ أيام حياته: اتجوزت واحدة سحرتلي وكنت بسرحلها شعرها وطلعت قرعة (فيديو)
كشف الفنان أحمد فلوكس، عن تفاصيل صادمة بشأن إصابته بالسحر عقب طلاقه من الفنانة هنا شيحة، وذلك خلال لقائه مع الإعلامي عمرو الليثي، أمس السبت، عبر شاشة قناة الحياة، حيث كشف أنه كان على علاقة بسيدة سحرت له وتزوجها فقامت بعمل سحر وأعمال كثيرة له ليعيش فترة من أصعب فترات حياته.
تصرفاتي كانت مش مظبوطة
وأوضح فلوكس، أنه يشعر أن هذه السيدة كانت لها يد في طلاقه من هنا شيحة، مضيفًا: "ارتبطنا فجاة لقيت نفسي مش أنا، تصرفاتي مش مظبوطة، عصبي وعندي اكتئاب، وصلت إني بمشي من الاجتماعات، أصبحت مش مركز شايف خيانات ومش عارف اخد موقف، معمي البصيرة والقوة".
كنت مسلوب الإرادة
تابع: "حواليا أشياء قذرة بتحصل وساكت، كنت مسلوب الإرادة، لدرجة إني مكنتش بشوف ابني ومكنتش عاوز اشوفه وده كان من رابع المستحيلات".
واصل: " الشخص ده جالي في يوم قالي مش هتعرف تمسك عليا حاجة، واكتشفت إني بقالي تلات شهور كل اللي حوليا بيخنوني كل حاجة بتتاخد مني ومش مدرك حاجة، كلمة واحد مغيب أو مش موجود قليلة".
كنت كاره التمثيل والنجومية
وأضاف فلوكس، خلال لقاء مع الإعلامى عمرو الليثي، كنت كاره التمثيل ومش حابب النجومية في الوقت ده كان عندي فلوس وبفتح شركات وبكسب فلوس كتير لكني مش حاسس بأهمية أو حلاوة أي حاجة".
وأوضح فلوكس أن هذا الشخص هي سيدة كان على علاقة بها: "هي واحدة كنت على علاقة معها للأسف، وطلعت كل حياتها أعمال وسحر، عرفت إنها هي وأهلها حياتهم كلها كده وجوازتها كده وتاريخها كده، وهناك مذيعة دون ذكر اسمها كانت صديقتها اخدت جوز اختها وخليته يطلقها وحذرتني انها بتعمل أعمال لإني مكنتش بصدق في الكلام ده نهائي".
تخصلت من السحر بالتقرب من ربنا
وعن كيفية التخلص من السحر قال: "لما قربت من ربنا، ولما اقدر احبسها هروج اشكرها، لإنها خلتني اقرب من ربنا، بس للأسف القانون بيقول إن العمل ده جدل، والسحر أثر في كل شيء ممكن تتخيله وانا مكنتش شايف ده كله والحمد لله تخلصت من هذا السحر".
اتجوزت الست اللي سحرتلي بعد هنا شيحة
وتابع فلوكس: الست دي اتجوزتها للأسف، وكانت بعد هنا شيحة وأنا كنت بسرح لها شعرها يوميا لمدة سنة، وأنا فاكر إن شعرها ناعم وطلعت قرعة وأنا مش شايف، كان بيحصل حاجات غريبة، حاجات بتولع في البيت وخلال الفترة دي كبرت فوق عمرى سنين، بالرغم إني كنت رياضي جدا بلعب جميع ألعاب الفنون القتالية، وأصبحت مش قادر أقوم من السرير".
اقرأ أيضًا: إليسا تدافع عن نانسي: تغريداتها اتفهمت غلط وسنظل نتنافس
وأشار فلوكس إلى أنه اكتشف حاجات أخرى غير السحر فى هذه الشخصية، مضيفا: "هحبسها بسببها وفى قضايا بينى وبينها" وأكد أنه سافر دبى وبدأ فى التحسن هناك بفضل القرآن والصلاة والذكر.
