ابنة الراحل سامي العدل على «فيسبوك»: «هعمل حاجة هتهاجم عليها واحتمال أخسر ناس»

أثارت رشا العدل ابنة الفنان الراحل سامي العدل، الجدل في الساعات الأولى من صباح اليوم الثلاثاء، حيث أكدت أنها ستقوم بفعل شيء ستهاجم عليه.

رشا العدل تفجر مفاجأة

وكتبت رشا العدل، عبر حسابها بموقع التواصل الإجتماعي فيسبوك: "أنا حابة أقول كلمتين، أنا عارفة إن الأيام اللي جاية هيصدر مني فعل هتهاجم عليه من بعض الناس وناس تانية هاتدافع عني".

وتابعت: "ناس احتمال تفتكر إني عايزة اعمل تريند وناس تانية هتقول إنه حقي وناس تالتة هتقول إيه الأفلام دي.. واحتمال أخسر ناس".

واستكملت رشا العدل حديثها، وقالت: "الناس اللي تعرفني بجد هتكون عارفة إن قراري ده كان بعد وقت طويل قوي من التفكير العميق، وخوف من رد الفعل إذا كان من العامة أو أصدقائي أو المقربين بس فيه ساعات كدة لازم الواحد يفكر في نفسه وياخد قرار حاسم علشان يرتاح لأنه لازم يحب نفسه شوية".

واختتمت حديثها، وقالت: "حبيت أقول الكلمتين دول علشان أعرف النهاردة أنام مرتاحة لأني خايفة من بكرة توكلت على الله".

اقرأ أيضًا..

«بعد اتهامها بالإنجاب دون زواج».. قمر تعلن عن والد طفلتها وأول صورة له

هجوم الجمهور على رشا سامي العدل

هاجم الجمهور رشا العدل، ما جعلها تعيد نشر منشورها، وكتبت: "مش قادرة أصدق الناس ونفسيتهم الجحيم بجد أنا يادوب نزلت كلمتين عندي وبقول الناس هاتقول وتفتكر وأصل وفصل مالحقتش، دخلت لقيت كومنتات حرب عليا وقلة أدب غريبة، يلا كله بثوابه وأهو يتشال من ذنوبي لا حول ولا قوة إلا بالله وحسبي الله ونعم الوكيل".