ابنة سامي العدل: الحياة أهلكتني دونك والناس بقت وحشة
عبرت رشا، ابنة الفنان الراحل سامي العدل، عن اشتياقها لوالدها بكلماتٍ مؤثرة، مشيرة إلى انها تعاني كثيرًا منذ رحيله في شهر يوليو عام 2015 وذلك منخلال منشور عبر حسابها الخاص بموقع فيس بوك.
وكتبت رشا في منشورها: "الحياة أهلكتني بدونك والناس بقت وحشة قوي ومفيش رحمة في قلوبهم، حبي الكبير الأعظم على الإطلاق.. وحشتني ووحشني حضنك وسؤالك عليا حتي مناكفتك ليا وحشتني وزعيقك.. فيه حاجة دايمًا ناقصة وبحس إني وحيدة في الدنيا من غيرك وتايهه مش عارفة اتصرف ولا أخد قرارات مصيرية مش عارفة اتعامل وأواجه مشاكل".
وتابعت: "كنت بستمد قوتي وطاقتي بوجودك في الدنيا.. واللي كان بيعمل حساب وجودك نسي أصلًا إنه في يوم كان يعرفك وخيرك عليه، رغم إن الواحد مش محتاج غير سؤال وطبطبة من حين لآخر بس بيستصعبوها ويستكتروها.. وحشتني بقي ونفسي أجيلك قوي أقعد معاك وافضفض لك".
وسبق أن عبرت رشا عن حزنها أيضًا وشعورها بالحزن والألم بشكلٍ سنوي، حيث كتبت عبر حسابها على موقع فيس بوك: "ما يعرفوش إني مش بطيق أقعد في البيت قبل سنويتك بـ3 أسابيع وبتكون حالتي مش مظبوطة بحاول أطلع من المود ده وجو الاكتئاب وأسحل نفسي بأي حاجة".
اقرأ أيضًا: رنا سماحة تغني علاقة فاشلة في أول حفل بعد انفصالها عن زوجها (فيديو)
وتابعت:"ما يعرفوش إن عدى 6 سنين على وفاتك، وشنطة هدومك زي ما هي في الريسبشن زي ما هي ولا عارفة أغير مكانها ولا عارفة أوزع اللي فيها على حد،أصلها آخر ذكرياتي معاك فمش طايقة أقعد في بيتي، مايعرفوش إني من غيرك بجد مكسورة من جوايا، وبقى عندي تبلد مشاعر كده ومش فارق معايا حاجة في الدنيا ما يعرفوش إنك حبي الأعظم والأكبر وإني من غيرك سراب".
