فيفي عبده: مفيش راجل يقدر يغيرني.. أنا على مبدئي ومفيش على راسي بطحة

قالت الفنانة فيفي عبده، إنها لا تقبل أن تحتفظ بزوجها مقابل الضعف، حيث سألتها الإعلامية بسمة وهبة، وقالت: "في زواج كان بيبقى عندك مشكلة، بتقوي ومش بيهمك، هل النهاردة لو فيفي عبده في بينها مشكلة ورجل الأعمال الديراوي، تضعف شوية عشان الدنيا تمشي وعاوزة كنف راجل".

وأضافت فيفي عبده، في حوارها مع الإعلامية بسمة وهبة مقدمة برنامج "العرافة"، على قناة المحور: "مقدرش أقول كده، احتفاظي بالراجل مش بيبقى بالطريقة دي، لأن مش على راسي بطحة إني أخاف من حد، أنا بتكلم على سجيتي، وجوزي عرف يحتويني وعرف قيمتي وده مهم جدا".

اقرأ أيضًا.. «أحمد حلمي وهنيدي وإسعاد يونس».. المسلسلات الإذاعية تشعل المنافسة في الدراما التلفزيونية

وتابعت: "الست ممكن تغير راجل، والراجل ممكن يغير الست، لكن أنا محدش يقدر يغيرني، لا أنا على مبدئي".

جدير بالذكر أن آخر أعمال فيفي عبده، مسلسل "شغل عالي" بطولة الفنانة شيرين رضا، الفنانة إنجي كيوان، الفنان تامر حبيب، الفنان توني ماهر والفنان نضال الشافعي.