إصابة أمينة بتمزق في الأربطة
أعلنت المطربة أمينة، تعرضها لوعكة صحية، وهي تمزق في الأربطة، بسبب التحمل الزائد حتى ترضي جمهورها.
وكتبت أمينة، عبر حسابها الشخصي بموقع التواصل الاجتماعي فيسبوك: "جماعة الناس اللي مفكرة أن العيشة وردي وياما هنا ياما هناك ، احنا برضوا بني آدمين وبنتعب وبيحصل انتكاسات زي أي حد، ودي حاجة حصلت غصب عني، وبرغم أني كنت بتحمل علي نفسي عشان خاطر فيه ناس جايه عشان تشوفني مارضتش امشي ونتيجة تحملي علي رجلي إني جالي تمزق في الأربطة".
وتابعت: "كل ده مش مهم أد ما مهم اوي إني لقيت ناس كتير الحمد لله بتبعة تسال عليا وتطمن عليا، وناس تانية بتشتم فيا وشمتانه فيا وبتقول أحسن ما تقطع، أحسن دي بتترقص، أحسن دي مش عارف إيه ؟!، ليه كل ده ؟!، ليه الغل والحقد ده ؟؟، ليه الكره الغير مبرر ده ؟!، جماعة احنا ابسط من كده بكتير ، وأي شو إعلامي بيظهر قدامكم اوعوا تتخدعوا فيه".
اقرأ أيضا: هنا الزاهد تتعرض لإصابات خطيرة في فيلم «بحبك».. ما الحقيقة؟
واختتمت رسالتها قائلة: "أنا أمينة أختكم وبنتكم ومكنتش متوقعة القي فيه ناس كتيرة كده جواها غل وحقد من نحيتي ليا .. ربنا يهديكم ويبعد عنا النفوس المريضة دي يارب".
