هنا الزاهد توجه رسالة لـ تامر حسني بعد مشاهدتها فيلم «بحبك».. والأخير يرد

وجهت الفنانة هنا الزاهد، رسالة إلى النجم تامر حسني بعد مشاهدتها فيلم "بحبك" في المونتاج، قبل عرضه في موسم عيد الأضحى المقبل.

ونشرت هنا الزاهد مقطع فيديو يجمعها بتامر حسني، عبر حسابها الشخصي بموقع تبادل الصور والفيديوهات الشهير "إنستجرام"، وعلقت: "يا جماعة أنا دلوقتي في المونتاج بتفرج على فيلم بحبك، وبجد مش عشان أنا فيه بقول كدا".

وتابعت: "تامر ألف قصة عبقرية، وأخرجها كأنه مخرج عالمي، وطلع مننا أداء مش عادي، بجد شكرا يا تامر".

ورد تامر حسني على منشور هنا الزاهد، قائلا: "إيه بس الحلاوة والذوق ده كله يا هنا، أولا شكرا عشان إنتي قلبك جميل ونضيف وعندك تقدير لكل الناس، ودي تربية جميلة من الأساس بعيد عن الفن".

واستكمل: "ثانيا إنتي عاملة دور عمرك، وأنا فرحان إني خرجت منك الممثلة اللي الناس هتشوفها دي، كلنا فرحانين بيكي وأنا بقول شهادة لتاريخك من دلوقتي، هنا الزاهد في فيلم بحبك لو استمرت كده هتبقى من أخطر ممثلات تاريخ السينما العربية، ربنا يحفظك ويوفقك في كل أعمالك".

أقرأ ايضًا..هنا الزاهد تتعرض لإصابات خطيرة في فيلم «بحبك».. ما الحقيقة؟

وردت هنا الزاهد قائلة: "ده كلام هفضل محتفظة بيه طول عمري، شكرا بجد".