من ذوي الاحتياجات الخاصة.. معلومات مهمة عن نجل فيروز بعد تصدره التريند
نشرت ريما الرحباني صورًا جديدة لوالدتها جارة القمر فيروز، وكذلك شقيقها زياد الرحباني وهالي الرحباني، وذلك أثناء القداس السنوي على والدها عاصي الرحباني وشقيقتها ليال الرحباني.
ولفتت الأنظار إلى هالي الرحباني نجل فيروز، والذي كان يجلس على كرسي متحرك وجارة القمر ترعاه.
تصدر اسم فيروز ونجلها هالي الرحباني مؤشرات البحث في أحدث ظهور لها، وبدأ الكثيرين يبحثون عن من هو نجل جارة القمر الذي يجلس على كرسي متحرك.
لذا يرصد "الطريق"، معلومات عنه فيما يلي.
من هو هالي الرحباني ابن فيروز؟
- كان ظهور هالي الرحباني نجل فيروز هو الأول للجمهور، وظهر أنه من ذوي الاحتياجات الخاصة.
- ولد ابن فيروز عام 1958 وكان يعاني من إعاقة ذهنية وعمره الأن 64 عامًا.
- عندما وُلد نجل فيروز، أخبرها الأطباء أنه لن يعيش أكثر من 8 سنوات.
ريما الرحباني تتحدث عن هالي ابن فيروز
وكتبت ريما الرحباني تعليقًا على الصور التي نشرتها: "فيروز إمّي، زياد أخوي، وهلي الرحباني أخوي، الثلاثاء ٢١ حزيران ٢٠٢٢ في تمام الساعة ٨ و ٢١ دقيقة، كنيسة السيّدة - المحيدثة - بكفيا كنيسة العاصي. القداس السنوي عن راحة نفس عاصي أبوي وليال الرحباني إختي، مع الصديق الأبونا ملحم".
وتابعت: "مش من زمان كتير فهمت إشيا كتيرة.. أسئلة كتير كنت إطرحها بيني وبين حالي، إطرحها على خوارنة ومطارين.. على فلاسفة ومؤمنين.. فتش عنها بالكتب والأناجيل.. وولا مرة حدا بجوابو ريّحني او قنعني!، ليه هالي خلق بهالعيلة؟ وليه صار معو هيك؟ ليه عاصي فل بكير؟ وليال فلت أبكر من بكير!... وليه؟ وليه؟ ولَيْهات كتيرة ضل إسألها.. ونفسي ما ترتاح من الوَجع ومن الأسئلة".
وأضافت ابنة فيروز: "إسمع كلام كتير ما يعنيلي شي ما يحرّك فيّي شي، ضريبة الشهرة.. مقابل كل فرح في وجع.. مقابل كل نجاح في بِكي، وما كانت تِرضى نفسي ولا تِستَكين، وربنا شو؟ بيعطي وبياخد؟ ربنا ليه راضي بهالظلم كلو على هالارض الواسعة؟، ليه ما وزع كرموا على كل الناس بالعَدل والتَساوي؟ ليه؟ ليه؟ اي اي ما بنكر إنّي مرّات كتير بكيت وصلّيت انا وحالي ووحدي إحتجّيت!، وزعلت منّو وما عدت احكيه".
واستكملت حديثها: "بس مش من زمان لقيت الجواب، هالي بيناتنا نحنا بالذات تنضَل ماشيين عَ الارض، هالي حمانا من ضو الشهرة والمال والجاه والتكبُّر والتعجرُف وكل ملذّات الحياة الفانية، هالي نقى نفوسنا وقلوبنا وطهّرها، هالي رد عنّا ضربات الحقد الماكر والحسد والغيرة.. هالي خلانا نضل مجموعين وخلّا هالبيت ما يعيش فيه الا الحُب، وخلى قلوبنا توزع حب وفرح عالناس كل الناس.. خلانا مرتبطين بالناس البُسطا اللي بيشبهونا ومنشبهن، مش عن عبث بِكرة الحياة الإجتماعية اللي مليانة تصنّع وكذب، وسطحية وظهور وحفلات وعهر وكفر وبَطر ونجومية! مش عن عبث ما برتاح إلا مع الناس الطيّبين بالضياع الخجولة والفلاحين والزرّاعين والحطّابين والعمّال الكادحين.. لاء.. منّ شيوعيّة.. لاء أنا مسيحيّة وهيك بتكون المسيحيّة الحقيقيّة! مش اللي مغطسة بتيجان الدهب ولا بالصلبان المشطوبة... ما حدا علّمني ما حدا ربّاني ما حدا لزَمني.. كون هيك، هالي اللي ما بيِحكي وما بيِسمع وما بيِمشي، هو اللي علّمني كل هول علّمني سامح وحب وأعطي أهلي عمري وحياتي متلما هوّي عطانا وبحسب قناعة عاصي وكلام عاصي إلي".
اقرأ أيضًا..
«أسيادنا الخادمين».. 4 مواقف تبرز دعم خالد النبوي للعمال
واختتمت ريما الرحباني حديثها وقالت: "هالي وزّع ذكاه عليكي إنتي وزياد وليال بالتساوي! ولهيك لازم كتير تحبّوه لهلي، اي يا بيّي هيّاني عم قول اللي بدَّك ياني، إنتَ وساكٍن العالي، قولو هالي يا ملاك البيت الله يحرسك ويطوّل عمرك ويخلّيك بركة هالبيت".
