الفن

لن تصدق.. هنادي مهنا تكشف السبب الحقيقي وراء زيادة وزنها - فيديو

الأربعاء، 29 يونيو 2022 04:45 مـ بتوقيت القاهرة

تحدثت الفنانة هنادي مهنا عن سبب زيادة وزنها وعدم رشاقتها، والسبب الحقيقي وراء الرغبة في خسارة وزنها، موضحها أنها كانت رشيقة خلال فترة الجامعة في إسبانيا، وأنها كانت تتحرك بكل حرية.

وتابعت هنادي مهنا، خلال حوارها مع برنامج "كلمة أخيرة" الذي تقدمه الإعلامية لميس الحديدي على قناة ON: "لما جيت مصر كان فيه دلع كتير أوي، محشي وحمام ومسقعة ودي حاجات مينفعش تتساب وماتتكلش".

وأضافت هنادي: "كنت بدرس في إسبانيا في مجال هندسة الصوت بمجال الموسيقى لأني كنت بحب المزيكا أوي وكان حلمي إني أغني قبل التمثيل، واكتسبت ده من الجينات من والدي، ولما جيت مصر اشتغلت مدرسة ودرست كذا حاجة، وكنت فاتحة شركة مع بابا، وأنا بحب اشتغل من صغري حتى في الصيف ومش بحب أقعد في البيت".

وتابعت هنادي: "لما اشتغلت ممثلة مكنتش مستوعبة طبيعة الشغلانة، وأن الشغل موسمي ممكن يبقى مكثف شهرين متتالين ثم شهرين آخرين قاعدين في البيت مش بنعمل حاجة، ودي كانت حاجة بالنسبة لي فيها إحساس غريب، وكنت بقول فيه حاجة غلط لأني متعودة على الشغل اليومي وأني أنام وأصحى عشان ورايا شغل".