أيتن عامر تحرج شقيقتها: «أنا ضد إن الست تدلق على الراجل ووفاء بتحب في جوزها بطريقة صعبة»
أثارت الفنانة أيتن عامر ضجة كبيرة بتصريحاتها هي وشقيقتها الفنانة وفاء عامر أثناء حلولهما ضيوف برنامج معكم للإعلامية منى الشاذلي.
وأشارت آيتن عامر إلى معارضتها لتصريحات وفاء عامر عن خيانة الزوج وأن يتم توجيه اللوم للزوجة، معلقة: "مينفعش لو الست اتخانت يتقالها أنها السبب.. وأنا أصلا ضد أن الست تدلق على الراجل".
وتابعت: "أي حاجة لو زادت عن حدها بتتقلب ضدها، وأي حاجة في الدنيا لو الصرف زيادة هيكون ضار والبخل برضه لو زيادة هيكون كدا.. ولو حد غلط فيا بسكت ومش ببكي على حد كأنه مش موجود".
واستكملت: "قلت لها مفيش أى سبب للخيانة أصلا.. في إن حضرتك تيجي تقولي إحنا مش قادرين نكمل مع بعض ولازم ننفصل وبعد كده اعمل اللي أنت عاوزه.. إنما خيانة لأ".
اقرأ أيضًا: «تحالف مع الشيطان».. طرح البوستر الرسمي لمسلسل وعد إبليس
وقالت أيضًا: "تعبت بسبب تصرفات وفاء وإنها مدلوقة دايمًا.. دمرت لي مرارتي سنين وسنين.. وفاء بتقعد تحب في جوزها بطريقة صعبة.. شوفتى جلجل ورقية؟! أهي دي رقية".
