إسلام إبراهيم مهاجمًا والد المطرب النقاش: «مخلف عيالك عشان تستعبدهم»

هاجم الفنان إسلام إبراهيم، قبل ساعات والد المطرب النقاش، من خلال منشور دونه على حسابه الشخصي، عبر موقع «فيس بوك».

وقال إسلام: «أنا عارف إن الكلام اللي هقوله ده ممكن ميعجبش ناس كتير بس أنا شايف الترند ده من زاوية تانية خالص، فكرة أنك ربنا يرزقك بشابين زي دول ينطبق عليهم كلمة شباب زي الورد لأنهم ربنا كارمهم بالوسامة والموهبة والصوت الحلو وعندهم المؤهلات إنهم يكونوا نجوم ومتحاولش تساعدهم أنهم يحققوا حلمهم أو يعملوا الحاجة اللي بيحبوها».

وأضاف: «بتفرض عليهم قيود ومسئوليات مش بتاعتهم زي إن هما يجهزوا أخواتهم البنات اللي أكبر منهم حضرتك البنات دول أنت اللي خلفتهم مش هما والحياة دي حياتك انت مش حياتهم هما وتفرض عليهم يكونوا نقاشين وده مش تقليلا من مهنة النقاش أكيد هي مهنة محترمة وشريفة لكن أي حد مش موهوب يقدر يشتغلها لكن مش أي حد عنده الموهبة والصوت ده».

وتابع: «خلاصة الكلام إحنا مش بنخلف العيال عشان نستعبدهم إحنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة وأي ابن بيفتح بقه أو يعترض على حاجة مش عجباه بيبقى ابن عاق كمان الولاد أمانة هتتسئل عليها قدام ربنا».

يشار إلى أن المطرب النقاش، تصدر الترند على مواقع التواصل الاجتماعي، وذلك بعد أن انتشر له مقاطع فيديو وهو يغني.

اقرأ أيضًا: بعد حفلها في تونس.. فيفي عبده توجه رسالة دعم لشيرين عبد الوهاب