جريدة الطريق رئيس التحريرمحمد عبد الجليل
الجمعة 27 يناير 2023 11:00 مـ 6 رجب 1444 هـ

مرتضى منصور يفتح النار على الخطيب: «إذا بليتم فاستتروا.. أنت خنت الأمانة»

الخطيب ومرتضى منصور
الخطيب ومرتضى منصور

فتح مرتضى منصور رئيس مجلس إدارة نادي الزمالك، النار على محمود الخطيب رئيس الأهلي، بعد بيان القلعة الحمراء الأخيرة، بشأن "صندوق تحيا مصر".

وأصدر النادي الأهلي بيانًا رسميًا، أمس الأحد، عقب تصريحات المتحدث الرسمي باسم، "صندوق تحيا مصر"، بشأن هدايا وتبرعات تركي آل الشيخ للقلعة الحمراء.

وقال مرتضى منصور في تصريحات عبر برنامج "زملكاوي": "بقول لإدارة الأهلي إذا بليتم فاستتروا، وأنا معرفش مين الشخص اللي طالع يتكلم باسم صندوق تحيا مصر، دا صندوق سيادي ومينفعش أسراره تطلع برة".

وتابع: "وكفاية بيانات يا أهلي ردوا عليا بالمستندات، واللي بيقول إنه المتحدث باسم صندوق تحيا مصر، قولي إيه المبلغ اللي رجعه الخطيب من فلوس تركي آل الشيخ اللي هما 228 مليون جنيه؟".

وواصل: "الأهلي قال في بيانه إني كداب ومغرض، لكن أنا بحترم نفسي، وتصريحات النهاردة كانت مجاملة للأهلي، علشان هو مرجعش حاجة لصندوق تحيا مصر".

وشدد: "يا أحمد موسي مينفعش تكذب علشان تجامل محمود الخطيب، تركي آل الشيخ بعت إنذار وقال إن الساعات متردتش، وفيه تلاعب في صرف الفلوس، وإن عمال النادي مأخدوش المكافآت، والخطيب خان الأمانة".

وكشف: "أحمد شوبير أخد 6 مليون جنيه عمولة في صفقة صلاح محسن، اللي جابه تركي آل الشيخ للأهلي بـ42 مليون جنيه، واللاعب دلوقتي اتحط على قائمة الانتظار".

اقرأ أيضًا: عاجل… صندوق تحيا مصر يرد على بيان الأهلي بشأن هدايا تركي آل الشيخ

واختتم مرتضى منصور تصريحاته: "المحكمة طلعت قرار بكشف سرية حسابات محمود الخطيب، ولم يتم تنفيذه حتى الآن، واللي عايز يرد بعد كده يكون بالمستندات مش الأكاذيب".