هند صبري عن فيلم «فضل ونعمة»: العمل مع ماجد الكدواني متعة

تحدثت الفنانة هند صبري عن فيلمها الجديد "فضل ونعمة" مع الفنان ماجد الكدواني، وذلك من خلال لقاءها في برنامج et بالعربي.

تحدثت "هند" عن عملها مع المخرج رامي إمام، قائلة: "الفيلم عودة لرامي إمام بعد عايزة أتجوز وهو من المقربين ليا شخصيًا وحبيت الشغل معاه من أيام عايزة أتجوز، ومبسوطة إنى بشتغل معاه تاني".

وأضافت: "المتعة الكبيرة كانت إنى أشتغل مع ماجد الكدواني، ممثل بحبه جدًا وبحترمه وبقدر تعبه وشغله وعنده هبه فطرية كبيرة، فإننا نعمل فيلم كوميدي أنا كنت مشتاقة للكوميدي، خاصة في السينما لإنى معملتش كوميدي كتير في السينما، وأيَضًا كتابة أيمن وتار كانت مساعدانا كممثلين لإننا مش كوميديين إنا ممثلين درامي أكثر، وبنعمل الكوميديا بخوف وقلق كبير من الجمهور وردود الأفعال لإن ده ممكن يتاخد علينا لإننا مش كوميديانات وممكن يضرنا في أدوارنا الجدية".

وعن بوستر الفيلم، قالت: "البوستر فكرة رامي، وهو دايمًا أفكاره بره الصندوق، وفضل ونعمة كابل تقليدي وبنتحط في ظروف غير تقليدية، فشكلنا بيتغير كتير خلال الأحداث بسبب الظروف اللي بنتحط فيها، وبنغني راب وهى أغنية الفيلم إن شاء الله تعجبكم".

واختتمت كلامها: "يارب الفيلم يعجبكم في مصر والخليج والعالم العربي، شوفوه وقولولنا رأيكم على السوشيال ميديا ولو عايزين تقولوا أى حاجة لماجد أنا هقوله عشان هو معندوش سوشيال ميديا".

أبطال فيلم "فضل ونعمة"

يقوم ببطولة الفيلم ماجد الكدواني، هند صبري، ياسمينا العبد، محمود حافظ، محمد رضوان، محمد ممدوح، محمد جمعة، والفيلم من تأليف أيمن وتار وإخراج رامي إمام، ومن المقرر طرح الفيلم يوم 5 أكتوبر المقبل في دور العرض السينمائي في مصر والوطن العربي.

اقرأ أيضًا .. تعرف على شخصية ياسمينا العبد في فيلم «فضل ونعمة»