لوسي: «اضطريت أشتغل رقاصة بسبب الظروف وربنا كافئني»
حلت الفنانة لوسي ضيفة على برنامج كلمة أخيرة، تقديم الإعلامية لميس الحديدي، عبر شاشة قناة on، وتحدثت عن بداية مشوارها الفني وعملها راقصة.
وصرحت لوسي أنها اضطرت للعمل في الرقص، بسبب الظروف الاجتماعية والاقتصادية التي تعرضت لها عائلتها: "لما أمي عرفت أني برقص كانت مصيبة ومش مصيبة لأنني اضطريت أشتغل عشان والدي كان في المستشفى".
واستكملت: "كنت شقية وبحب الرقص وأحترمه، وبشوف الباليه واتعلمت أصول الخطوات في معهد الباليه من مصريات وروسيات، ولاقيت الظروف قادتني للرقص ومش خجلانة منها، وربنا بعد كده قال لي تعالي أنتي ضحيتي فخدي بقى اسم كويس وأعمال فخورة بها أنا وعائلتي، وكإنسانة فخورة بنفسي جدًا وبحب طيبتي مش خجلانة منها، وعصبيتي من دقيقتين لخمس دقايق".
وأكدت لوسي أن الرقص مهنة جميلة ومحترمة، لكن هناك أشخاص يمتهنون هذه المهنة ويجعلونها مهنة غير محترمة: "الرقص مهنة محترمة وجميلة ولكن هناك بعض الأشخاص قد يمتهنوها ويجعلونها غير محترمة، فأنا كنت بشوف فيلم الممر من كام يوم، وكلمت أحمد رزق وقولت له الفيلم يجنن، ولكن لي عتاب: ليه شوهته مهنة الرقص في الفيلم؟! فإحنا اللي بنعمل كده في نفسنا".
واستنكرت الهجوم على الراقصات على الرغم من طلبهم في الأفراح، قائلة: "الناس بتهاجم الرقص وبيرجعوا يجبونا في أفراحهم وبنروح كل الأفراح اللي ممكن تتخيليها، فأحنا بنعمل حاجة بتحبيها وتحترميها وتأديها، فأنا هاوية ومحترفة في نفس الوقت، بتقاضى أجر لكن بحب اللي أنا بقدمه".
اقرأ أيضًا.. أول تعليق من هاني شاكر بعد فوز مصطفى كامل بمنصب نقيب الموسيقيين
وأكدت أن ابنها يفخر بها، قائلة: "ابني فتحي ثقافته مختلفة وعارف إن ده فن، وأنا بحترم الفن وكل المهن، وزوجي وابني لم يطلبوا مني اعتزال الرقص".
