«مش هتيجوا تاني».. مرتضى منصور يهدد جماهير الزمالك بعدم حضور المباريات

فتح مرتضى منصور رئيس مجلس إدارة نادي الزمالك، النار على جماهير القلعة البيضاء، عقب مباراة الفريق الأول لكرة القدم أمام فلامبو البوروندي، بدوري أبطال إفريقيا.

وحقق الزمالك فوزًا كبيرًا على حساب فلامبو البوروندي بنتجية 5-1، في المباراة التي جمعتهما ضمن منافسات إياب دور الـ32 من دوري أبطال إفريقيا.

وقال مرتضى منصور في تصريحات عبر برنامج "زملكاوي" المذاع عبر قناة "الزمالك": "أنا بوجه تحذير أخير للعيال اللي بتحضر المباريات، وبتدي ضهرها للملعب وترقص، مش هتحضروا تاني".

وتابع: "هنرجع للأولتراس؟ فريقي يلعب من غيركم أحسن، واحنا مش هنرجع تاني لشغل الاولتراس وقتها مش هيبقى في جمهور، أنا بحاول أزود عدد الجماهير، لكن بالطريقة دي لأ، لما تقلع هدوك وتدي ضهرك للملعب وترقص ليه؟ أنت كدة بتهرج، ممكن شويه العيال واللي بيشتموا يخلوا الجمهور ميحضرش المباريات".

وشدد: "المنظر ده لو اتكرر مفيش حد هيدخل المدرج تاني، ده مش منظر جمهور متحضر، إحنا هنستهبل، وأنا لما بقول كلمه هنفذها، لو شوفت المنظر ده مش هدخل جمهور المدرجات تاني".

اقرأ أيضًا: الزمالك يخوض تدريباته دون راحة استعدادا لمواجهة سموحة بالدوري

واختتم مرتضى منصور تصريحاته: "أنا بحذر تاني هيرجع الاولتراس، همنع الجماهير وأنا بهدد العيال دي، لكن اللي هيتضر الجمهور المحترم، لأن أنا بتواصل مع المسؤولين قالوا يرموا بيضاهم علشان نزود العدد".