”حسام مش مدمن وشيرين ضحية”.. بسمة وهبة تدافع عن حسام حبيب وشيرين عبد الوهاب
حرصت الإعلامية بسمة وهبة على الدفاع عن الفنانة شيرين عبد الوهاب والفنان حسام حبيب، وذلك من خلال لقائها مع برنامج et بالعربي.
وتحدثت "بسمة وهبة" عن شيرين عبد الوهاب، قائلة: "أنا عندي لشيرين رسائل صوتية كثيرة وكان ممكن أنشرها في البرنامج لكن أنا معملتش كده، لإنها حاجة مش هتضيف ليها هى هتضيف ليا أنا، وشيرين ضحية ومجني عليها وهى طيبة جدًا".
اقرأ أيضًا .. بعد توقف 6 أشهر.. أروى جودة تستكمل مسلسل «حرب نفسية»
وأضافت: "شيرين لازم تبعد عن مصر مش أقل من سنة تستنشق هوا جديد، وهى كل مشكلتها المنومات والمهدئات اللي كانت بتاخدها، وأنا مشوفتش من شيرين أكتر من كده ومليش دعوة الناس بتقول ايه، وهى محتاجة تعيد حسابات وتخف وتاخد قراراتها بنفسها، لإن هى عندها حالة من الخوف دايمًا حاسه إنها محتاجة حد جنبها وعايزة عكاز في حياتها".
وعن شقيق شيرين، قالت: "أنا زعلانة جدًا من أخوها ووالدتها مش بس عشان اللي عملوه فيها، عشان اللي قالوه عليها كمان، ولو افترضنا أن هذا الكلام صحيح إزاى نكشفها بالطريقة دي وهى نجمة الوطن العربي، ومينفعش نجمة مصرية يتقال عليها كده أبدًا".
ودافعت عن حسام حبيب، مؤكدة: "حسام مش زى ما الناس فكراه خالص، ولو يسمحلي إني أتكلم أنا عارفة قصته وعارفة كل حاجة بالظبط، بس مقدرش أتكلم عشان مخدتش إذنه، حسام ممكن يكون عند شئ بيخليه يتصرف تصرفات تزعل شيرين لكن هو مش مدمن ولا بيتعاطى أبدًا".
اقرأ أيضًا .. لهذا السبب.. منتج فيلم ”جروب الماميز” يحرر محضرًا ضد غادة عادل
أزمة شيرين عبد الوهاب
تصاعدت الأزمة بعد مكالمة شقيق الفنانة شيرين مع الإعلامي عمرو أديب وتصريحاته بأنه شقيقته كانت تتناول المخدرات في شقتها بصحبة حسام حبيب، واستنجاد والدتها بالسيد الرئيس لكى يحمي ابنتها من حسام حبيب، وبعد ذلك خرج حسام عن صمته ووضح أن المخدرات هى سبب طلاقه من شيرين، وأنه لم يأخذ منها شئ طوال فترة زواجهما.
