في حفل ختام المهرجان.. حسين فهمي: ”قدمنا دورة مميزة خدت مننا مجهود شهور”
في حفل ختام مهرجان القاهرة السينمائي، تحدث الفنان حسين فهمي عن الفعاليات التي أُقيمت أثناء فترة المهرجان.
وقال "حسين فهمي": "أنا حاسس بإحساس وشعور راقي، وأعتقد إن إحنا قدمنا دورة متميزة ومجهود خد مننا شهور ومجهود في البحث عن الأفلام، الفعاليات التى كانت متواجدة على هامش المهرجان من الورش والدروس والندوات زى ندوة بيلا تار ومجموعة كبيرة من النجوم، عملنا مجهود كبير في الدورة دي وكان في نسبة مشاهدة عالية".
وعن ترميم الأفلام: "إن شاء الله المهرجان هيرمم كل دورة فيلمين زى فيلم نائب في الأرياف وأغنية على الممر، لأن الأفلام ابتدت تتحلل مع الزمن، فا بنعملها ديجتال وبنحافظ عليها".
اقرأ أيضًا.. ”في انتظاركم لنحتفل”.. محمد رمضان يروج لحفله الغنائي في الرياض
وعن انطباع الناس بعد عرض النسخة المرممة من الأفلام، أضاف: "الصورة رجعت ببريقها ورجعنا بالزمن للفترة الجميلة دي، والسينما المصرية بدأت مع السينما في العالم بالعشرينات، والفضل يرجع ل طلعت باشا حرب لأنه أنشأ بنك مصر ومن ثم استوديو مصر، اللي بدأت منه السينما المصرية".
وعن مستوى الفيلم المصري، أتبع: "عندنا كل المعدات اللي بيشتغلوا بيها في العالم كله، ومعدات جديدة في الصوت في الكاميرات وفي التصوير والإضاءة، وكله بقا ديجيتال وخفيف وسهل نتحرك ونشتغل بيه اللي نقدر نقدم فيها أفلام جيدة وعندنا مواضيع جيدة جدًا".
وعن ظهوره إلى جانب ذوي القدرات الخاصة، قال: "عملنا 4 كراسي عجل باسم المهرجان وكانوا متواجدين عشان اللي عايز يتحرك معانا يتحرك بسهولة وعملنا ممرات للعجل، سواء كان في الأوبرا أو مسرح الهناجر".
اقرأ أيضًا.. في عيد ميلاده.. صبري فواز يستكمل إسعاد جماهيره بثلاث أعمال قادمة
