بسبب تصريحاتها الأخيرة عن الزواج العرفي والمساكنة.. فيفي عبده تتصدر التريند
تصدرت الفنانة فيفي عبده تريند مواقع التواصل الإجتماعي، وذلك بسبب تصريحاتها الأخيرة في برنامج "كتاب الشهرة" الذي يذاع عبر إحدى القنوات اللبنانية، حيث تحدثت عن عدد زيجاتها ورأيها في المساكنة قبل الزواج.
وفي السطور التالية نرصد لكم أبرز تصريحاتها في برنامج "كتاب الشهرة":
_أول ثقة خدتها في نفسي كانت من الفنانة نجوى فؤاد وسهير زكي كانوا هما اللي نجوم على الساحة.
_محدش ساعدني في بداياتي وانطلاقتي.
_أنا طلعت من تانية إعدادي وثقفت نفسي بنفسي الحمد لله.
_شهادة الخبرة في الحياة أهم من شهادة المدارس، لإن الحياة بتوقعك في مطبات كتيرة.
_مبحبش المرايا، وكل تجعيدة في وشي ليها ذكرى معايا والناس بتقولي إني احلويت أكتر.
_أمي ربتنا تربية قاسية جدًا، وكانت بتضربنا كلنا بالكرباج لو واحدة غلطت.
_مينفعش أكون زوجة تانية أبدًا، والراجل مفيش حاجة بتملى عينه.
_أنا ضد المساكنة قبل الجواز عشان إحنا مش في الجاهلية، لكن أنا مع الزواج العرفي.
_لما حبيت واحد هندي وكنت المفروض أسافر معاه ونتجوز، والدي اتوفى ومكنتش أقدر أسيب أخواتي وأسافر.
_اتجوزت 5 مرات، وبخاف أتجوز واحد متمسك بيا ميرضاش يطلقني.
_سافرت كينيا مع جوزي وحب يخضني جابلي نمر، ولما نزلت مصر طلبت منه الطلاق على طول.
_شيرين عبد الوهاب حقها تعيش بالطريقة اللي تريحها مع جوزها، واقفلي بيتك عليكي ومتخليش صحابك يتدخلوا ويضروكي.
_اوعي تضيعي الراجل اللي معاكي لو كان لقطة، ولو خانك اعملي نفسك مش واخدة بالك.
_لما حملت من جوزي اللي حبيته، أجهضت عشان كنا لسه في أول حياتنا وكنت مضطرة.
_نمت في بير السلم لما أهلي رفضوا إني أرقص في البداية، لكن لما بردت رجعت لأهلي تاني.
_الرقص فن مش محتاج ترجمة، وبحارب كل اللي بيهين مهنة الرقص.
_كنت بنام ساعتين بس في اليوم لإني عملت 25 فيلم في 10 سنين وكنت أم وقتها.
_بخاف من الموت عشان هو الحقيقة الوحيدة في الدنيا ومفيش منه مفر، والواحد لازم يعمل لآخرته.
اقرأ أيضًا.. موعد عرض الحلقة التاسعة من مسلسل موضوع عائلي الجزء الثاني
