بعد الاتهامات بالسرقة.. سعد الصغير لـ طليقته برلنتي عامر: إنتي حياتي وعمري وتعملي اللي عايزاه
أعلن المطرب سعد الصغير عن عودته لطليقته الراقصة برلنتي عامر، وذلك بعد أزمتهم الأخيرة والاتهامات المسيئة من الثنائي ضد بعضهم البعض، كما تراجع الفنان سعد عن اتهامه لوالدة لزوجته بسرقة مبلغ مالي قدره 75 ألف جنيه من بداخل سيارته.
ونشرت النجمة برلنتي عامر، مقطع فيديو للفنان سعد الصغير، وذلك عبر حسابها الشخصي على موقع التواصل الإجتماعي "فيس بوك، وتحدث سعد الصغير خلال الفيديو، وقال: "أنا لقيت رسالة بعتاها برلنتي لواحد بتقوله أنت عمري وأنت حياتي، وردت عليه بتقوله أنا اتطلقت من سعد، والآخير طلع اللي بعتاله الرسايل دي، أخوها مصطفى عامر، وبقولها عملتي ليه كده، قالتلي علشان جتلي معلومة إنك بتكلم واحدة تانية، قولت لها وتطلعي منظرك وحش ليه".
وتطرق سعد الصغير خلال الفيديو، موضحا الاتهامات التي اتهمها لـ زوجته برلنتي عامر، فقال: "أنا متجوز برلنتي عرفي ومتسجل في الشهر العقاري وده مش حرام.. وإنتي ليكي حق عليا وأنتي حياتي وعمري وبتكلم وأنا في كامل قوايا العقلية، وأنتي مراتي وتاخدي مني الفلوس اللي أنتي عايزاها وتعملي اللي عايزاه".
اقرأ أيضا: قصة مسلسل بابا المجال لـ مصطفى شعبان قبل عرضه في رمضان 2023
حقيقة سرقة والدة الفنانة برلنتي عامر لأموال سعد الصغير
كما كشف النجم سعد الصغير حقيقة سرقة والدة زجته برلنتي عامر لأمواله، وأعرب قائلا: "وأحنا داخلين على أيام مباركة وفي رمضان، والحاجة أم برلنتي فتحت باب العربية وقعدت 5 دقايق، ومفيش حد يفتح عربية في دقيقتين ويسرق فلوس، أنا علشان خاطر ربنا ميدخلنيش النار، ولو خدت الفلوس حقها، بس عمرها ما طلبت مني فلوس، وأم مراتي تاخد اللي هي عايزاه".
