ياسمين عز: «لو اتقدملك صاحب مطعم اتجوزيه بطنه شبعانة»
حلت ياسمين عز ببرنامجها كلام الناس على قناة إم بي سي مصر أمس "الجمعة".
كالعادة دارت الحلقة عن الرجل، وعلقت في البداية على بعض أسماء الأطعمة والحلويات النسائية.
ووجهت دعوة لأصحاب المحالّ بإضافة أطعمة بأسماء الرجال على غرار "أم علي" و"صوابع زينب"، وطالبت بإضافة حجمين للأطباق مثل "فرعون كبير" و "فرعون صغير".
قالت: "ضيفوا الحجم الفرعوني الكبير والحجم الفرعوني الصغير وأنا متبرعة بحقوق الملكية، فرحوا الراجل بعد إذنكم، الراجل يدخل المطعم يدفع، حاطين أم علي وصوابع زينب وهو فين؟ أم علي عبارة عن سكر وشويت حاجات حلوة، نرجع الحاجة لمصدرها، أية مصدر السكر؟ الراجل، دي مناشدتي لأصحاب المطاعم".
واستكملت: "لو اتقدملك صاحب مطعم أوعي ترفضيه اتجوزيه، ولو جوزك صاحب مطعم أكرميه وخلية فوق راسك، صاحب المطعم عينه مليانة وبطنه شبعانة، عينة مليانة علشان بيشوف ستات كثير طول النهار، ولو شاف مليون واحدة بتفضلي أنت في عيونه ست البنات، دي ميزة من مليون ميزة لصاحب المطعم".
اقرأ أيضا| يوسف زيدان: كتاب جمال عبدالناصر عن فلسفة الثورة «مضحك».. وابن تيمية مفكر عظيم
