ياسمين عز للسيدات: «لو الجرسون سألك العصير حلو قوليله مش أحلى من جوزي»
وجهت الإعلامية ياسمين عز، مجموعة من النصائح للسيدات عن كيفية التعامل مع أزواجهن وتيسير أمور الحياة الزوجية، قائلة إنه واجب على الزوجة احترام زوجها خاصة خلال تواجدهم في المطعم لتناول الطعام.
وأضافت ياسمين عز، خلال تقديمها حلقة اليوم من برنامجها "كلام الناس" المذاع عبر فضائية "إم بي سي مصر" مساء اليوم الأحد: "لو قاعدين في مطعم أو كافية وحوزك واخدك أكلك مينفعش تتسحبي من لسانك وتتكلمي مع الجرسون اللي بياخد الطلبات".
اقرأ أيضًا:عيب يا مدام.. ياسمين عز: «متتنفسيش مع جوزك في نفس الوقت»
وتابعت: "هتقوليله من فضلك تطلبلي نصف بطة بالبرتقال وعصير برتقال، فيقوم يطلب من الجرسون راجل لراجل، لأن الحتة دي بتضايق الرجالة جدًا".
وأردفت مقدمة برنامج كلام الناس: "مفيش حاجة اسمها أمدح في حد أو أي كائن وجوزي قاعد منور الدنيا قدامي، لا حد ولا حاجة، أي حاجة ممنوع تمدحيها قدام جوزك، مثلا عصير البرتقال لو حلو قولي للجرسون، حلو بس مش أحلى من جوزي، متبصيش للراجل وهو بيسألك، لأن جوزك مصنع الحلى".
