الطريق
الجمعة 29 مارس 2024 01:26 مـ 19 رمضان 1445 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب

نهاد أبو القمصان: «إزاي تخلي مراتك زي ياسمين عز»

نهاد أبو القمصان وياسمين عز
نهاد أبو القمصان وياسمين عز

خرجت نهاد أبو القمصان، اليوم الأحد، في مقطع فيديو على صفحة حكايات نهاد، تتحدث فيه عن سر إعجاب بعض الرجال بالمذيعة المصرية ياسمين عز، التي تقدم برنامج «كلام الناس» على الفضائية mbc مصر.


ووجهت أبو القمصان رسالة إلى رجال مصر قائلة: "لكل الرجالة المعجبين بجمال ياسمين عز، الحقيقة هي حلوة بس لو عايز المدام زيها ابعتهالي يوم ومعاها 100 ألف جنيه قابل للزيادة".


وتقول القمصان في الفيديو إنها تعرضت لموقف طريف من قبل بعض الزملاء المحامين في النقابة عندما سألوها عن البلاغ المقدم ضد المذيعة المصرية لترد عليهم بأنه ما زال قيد العرض على النيابة، ليرد عليها بعض المحامين قائلين أنت اخدتي الموضوع بجد، احنا عاملين فاصل كوميدي أهي بتطري على قلبنا بدل الستات اللي في البيوت، لترد القمصان عليه قائلة أنا عارفة مرآتك وهقول لها.


وتابعت المحامية الحقوقية، قائلة:" عرضت على أحد الزملاء أن يرسل زوجته يوما واحدا وهرجعهاله ياسمين عز، قائلة: " ابعتهالي يوم وهكتبلك الوصفة كيف تصنع ياسمين عز في المنزل، ومعاها 100 ألف جنيه، قابله للزيادة".


وأكملت أبو القمصان قائلة: "ارفع السماعة لأي بيوتي سنتر محترم أسأل على الأسعار اللي هقولك عليها دي، إكستنشن شعر ب50 ألف جنيه، صبغة لون الإكسيشن 10 آلاف جنيه، كدا 60 ألف جنيه شعر بس، العدسات الزرقاء زي عيون عز، توصل من 15 إلى 20 ألف جنيه، مننساش إكستنشن الرموش وميكروبليدينج الحواجب، عشان تبقى مضبوطة، توصل 15 ألف جنيه كده احنا قفلنا ال100 جنيه في العيون الدوبلي والشعر بس، لسه توريد الخدود والشفايف، وإكستنشن الضوافر بنتكلم على حوالي من 20 ل 30 ألف جنيه غير التبس".


وتابعت قائلة: "ناقص الميك آب وعندك اختيارين تكلم يوميا ميك آب ارتيست من بتوع الانستجرام، والرخيص فيهم يوصل من6000 إلى 15000 جنيه يوميا أو تجيب أنت الأيتمز اللي بيتحطوا ليرات فوق بعضهم على الورش كلهم، وطبعا ماركاتهم عالمية مش من عند أم سحلول، هيكلفوك حوالي 100 ألف جنيه بس، كمان مننساش نعلم المدام كورس كيف تضعين الميك آب ب20 ألف، يعني احنا بنتكلم في ربع مليون جنيه ولسه ما دخلناش في التبييض والليزر علشان ده مشواره طويل وبيحتاج جلسات كثير تصل ل 6 شهور وبعد كده صيانة دورية كل 10 أيام.


وأشارت قمصان قائلة:" من تعليمات التشغيل إن اللي بتحمل الحاجات دي ما تنفعش تيجي جنب النار، اللي حاطة اكستنشن رموش وعدسات ما ينفعش تعمل بط ولا برتقال ولا تمسك الجرس تعملك شاي، وماينفعش مع إكستنشن الضوافر تقطع البطاطس والباذنجان عشان بيسيب ألوان داخل الظافر.


وأنهت القمصان حديثها قائلة: "عموما حبايبي دي الوصفة فتحمدوا ربنا على الستات اللي شقيانه ومستحملاكم يا تدوروا في الكتالوج على كيف تصنع ياسمين عز، وأديني قولتلكم سر الصنعة، وصدقني بعد كده هتلاقي قمر في البيت وطبيعي، ومتنساش الناس بتنزل الصور كلها ما قبل وما بعد، احنا بقي عايزين كل واحد يعمل فيكم القصة دي يحط لنا الصور من قبل ومن بعد، وهي دي وصفة عمايل ياسمين عز في المنزل".

اقرأ أيضا: كارثة طبيعية أم سلاح خطير.. نظرية المؤامرة تحوم حول زلزال تركيا وسوريا