مى كساب: «محمد سامي مخرج الشعب والزوجة التانية غبية».. (فيديو)
تحدثت الفنانة مى كساب عن دورها في مسلسل "جعفر العمدة" الذي من المقرر عرضه في موسم رمضان 2023، إلى جانب حديثها عن عملها مع محمد رمضان ومحمد سامي.
قالت مى كساب خلال لقاءها مع الشركة المنتجة للمسلسل: "دي تاني مرة في حياتي من يوم ما اشتغلت يتقالي الدور ده واحنا بنكتبه مش شايفين فيه حد غيرك، أنا قرأت المسلسل كله في يوم من كتر الفضول لما أستاذ محمد بعتهولي".
شخصية مى كساب في مسلسل جعفر العمدة
وتابعت: "حبيت الشخصية جدًا من على الورق وحسيت فعلًا إن محدش هينفع يعمل الشخصية دي غيري وكنت مبسوطة جدًا، ومش بعرف احضر للشخصية وأنا قاعدة في البيت لازم ألبس لبسها عشان أحس مشاعرها واتكلمت بطريقتها وكل حاجة، وهى مش شبه أى شخصية أنا قدمتها قبل كده وفيها الكوميديا والتراجيديا وكمان عندها مرض معين".
مى كساب عن عملها مع محمد سامي
أما عن علمها لأول مرة مع المخرج محمد سامي، أضافت: "أول لما قرأت الورق قولت لمحمد سامي انت مخرج الشعب لإنه عارف تركيبة الشعب المصري والعربي وعارف يجذب الجمهور كويس وعامل تصاعد درامي رهيب للشخصيات سواء رئيسية أو ثانوية وهو من المخرجين اللي بيعلموا كتير لإنه بيحب الممثل جدًا ومخرج من النوادر".
مى كساب عن محمد رمضان
أما عن محمد رمضان، قالت: "محمد شخصية ملتزمة جدًا وجدع وبيحب زمايله وعنده ثقة رهيبة بنفسه، وبالتالي سايب مساحة لكل الناس اللي حواليه، وهو صاحبي من 2010 وأول مرة أشتغل معاه وربنا يكرمه وكلنا مستفيدين من التجربة دي".
رأي مي كساب في من تقبل أن تكون الزوجة الثانية
أما عن رأيها في من تقبل بأن تكون زوجة تانية، قالت مي: "غبية، اللي تقبل تكون زوجة تانية تبقى غبية، لإنها حياة تنافسية من غير رحمة وبشوف إن الحالة الوحيدة اللي تقبل تكون زوجة تانية أو يكون ليها ضرة إن يكون في مشكلة في الخلفة أو حاجة، لكن أنا مستحيل أقبلها لإنها فيها تنافس بدون إنسانية أو رحمة وصعب إني أتقبلها".
