السيسي: خدنا 4 سنين عشان نفتتح الـ 6 مصانع بمجمع الأسمدة الأزوتية
أكد الرئيس عبد الفتاح السيسي، اليوم الأربعاء، أنه كي يتم افتتاح مجمع الأسمدة الأزوتية في العين السخنة تطلب الأمر 4 سنوات لعمل ذلك منذ افتتاح مجمع الأسمدة الفوسفاتية.
افتتاح مجمع الأسمدة الأزوتية بالعين السخنة
وقال الرئيس السيسي خلال كلمته: "خدنا 4 سنين عشان نفتتح ال 6 مصانع في مجمع الأسمدة الأزوتية بالعين السخنة، وكنا ضاغطين في التوقيت عشان ننجز المهمة في أسرع وقت ممكن، فيه ناس كتير بتقول ليه مش مهتمين بالصناعة ماحنا هناخد وقت وجهد كبير غير ثمن الأرض بنتكلم في 800 مليون دولار".
وأضاف الرئيس السيسي: "عشان نعمل مصانع نحقق مطالبنا ويتبقى جزء للتصدير هياخد وقت وجهد وفلوس، عشان نعمل مصنع زي دة لازم يكون عندي الطاقة الكهربائية اللازمة، وبنسابق الزمن عشان الأفدنة تدخل الخدمة في أسرع وقت ممكن".
وتابع الرئيس السيسي قائلا: "من فضلكم أعملوا رحلات لطلاب المدارس والجامعات للمشروعات دي والقوات المسلحة توفر وسائل مواصلات لهم لتوشكى، حتى يروا ما يتم عمله بيد أخواتكم لما هتشوفوه هتطمنوا ومش هنسمح إن حد يعبث بعقول شبابنا".
