تفاصيل مكالمة يسرا ودلال عبد العزيز في جنازة سمير غانم

كشفت الفنانة يسرا تفاصيل المكالمة التي جمعت بينها وبين الفنانة الراحلة دلال عبد العزيز في جنازة الراحل سمير غانم، وسر حضورها حفل زفاف في نفس اليوم.

تصريحات يسرا في برنامج أنا والقناع مع الإعلامية منى عبد الوهاب على قناة cbc الفضائية وقناة الحياة الفضائية، يرصدها موقع وجريدة "الطريق" خلال السطور التالية.

تصريحات يسرا

- حضرت حفل الزفاف لأن العروسين بعتبرهم ولادي.

- مش يمكن روحت الفرح علشان أخرج من حالة الحزن.

- كنت بكلم دلال عبد العزيز وأنا خارجة من جنازة زوجها سمير غانم، قلت لها هنزل أروح فرح بليل وكان لازم أخبي وفاة سمير غانم لأني كنت خايفة عليها، وهو حبيب قلبي مفيش شك إني بحبه.

- الخلاف بين هالة سرحان وإيناس الدغيدي كان فيه شد وقتها وسوء تفاهم، لكن دلوقتي بيتواصلوا مع بعض بشكل طبيعي.

- أصعب اللحظات اللي ممكن الواحد يمر بها فقدان شخص عزيز، وتحسي إن كل واحد بياخد حتة من قلبك ويروح منك صعب ربنا ما يكتبها على حد أبدًا.

يسرا وهشام سليم

- هشام سليم كان راضي بالمرض والموت بكل حاجة ربنا إدهاله لأقصى درجة خاصة آخر سنتين، وكان من أنقى الناس وحزني عليه لن ينتهي زي ما حزني على أمي مش بيقل.

- جالي فترة كنت هموت وعايزة أبقى أُم.. والنهاردة بقول الحمد لله أنا راضية.. فيه حاجات مينفعش تعاندي ربنا ولا الحقيقة للحصول عليها.