«بتاع النبي محمد بس».. داعية إسلامي يكشف أعلى درجة في الجنة «فيديو»
قال الشيخ رمضان عبدالمعز، الداعية الإسلامي، إن الجنة درجات، موضحا أن أعلى درجة على الإطلاق اسمها الوسيلة.
وأضاف عبد المعز، خلال تقديمه حلقة اليوم الثلاثاء، من برنامج "لعلهم يفقهون"، المُذاع عبر فضائية "دي إم سي"، "درجة الوسيلة بتاع النبي محمد صلى الله عليه وسلم بس، ومفيش نبي تاني معاه أبدا"، متابعا: "لو حد جه قدام الكعبة وقال يارب ارزقني الوسيلة في الجنة، أقوله مش من حقك، ومش بتاعتك، أو واحد تاني يقول يارب ارزقني الخلود في الدنيا، فبقوله ديه دعوة غلط، لأن النبي نفسه لم يُخلد، أو واحد يقول يارب اجعلني من العشرة المبشرين بالجنة، فبقوله يعني هوا هيشيل واحد من العشرة ويحط إسمك!، دول منصوص عليهم في الحديث النبوي الشريف".
وتابع الداعية الإسلامي: "الدعاء لو سليم ومظبوط هتاخد واحدة من الثلاثة إما تحقيق الدعاء وإما يدفع عنك الله تعالى من السوء بمثل الدعاء وإما ادخار الدعاء في الآخرة وكلها خير"، مردفا: "وربنا سبحانه وتعالى بيختار اللي مصلحة وفائدة العبد".
