أستاذ حالات حرجة: «السجائر كانت عادة زمان ودلوقتي إدمان»
كشف الدكتور حسام موافي، أستاذ طب الحالات الحرجة بقصر العيني، عن التعريف الجديد للإدمان، موضحا أنه "أي مادة تعمل مستوى في الدم".
وقال خلال تقديمه حلقة اليوم الثلاثاء، من برنامج "ربي زدني علما"، المذاع عبر فضائية "صدى البلد"، "السجائر كانت زمان عادة زي الشاي والقهوة، لكن دلوقتي لأ، فالمدخن مدمن، لأني لو أخدت منه عينة دم وحللتها في المعمل هلاقي النيكوتين رقم معين، عشان كده لما بنيجي نتلم عن التدخين بنطرح سؤالين فقط وهما انت بتشرب ليه ومش عارف تبطل ليه؟"، موضحا: "التدخين دخل مع مجموع الإدمان وبقى صعب تبطيله، لكنه مش زي بعض العقاقير اللي ممكن تبطلها فجأة وتحصلك كارثة".
وواصل أستاذ طب الحالات الحرجة بقصر العيني "إنت ممكن تبطل السجائر فجأة وكل الموضوع هتضايق وتتعكنن شوية"، منوها بأن شرب الشاي والقهوة ليس إدمانا ولكنه تعود فقط، متابعا: "100% من الشعب المصري بيعدل دماغه بكباية شاي الصبح، وده مش إدمان، لأنه لو لم يشرب شاي مبيحصلش حاجة ولا حتى بيتعكنن".
