حسام موافي: «البنكرياس عضو منسي وطلبة طب مش بيذاكروه»
كشف الدكتور حسام موافي، أستاذ طب الحالات الحرجة بقصر العيني، أعراض الإصابة بالتهاب البنكرياس.
وقال موافي، خلال تقديمه حلقة اليوم الثلاثاء، من برنامجه "ربي زدني علما"، المذاع عبر فضائية "صدى البلد": "البنكرياس عضو منسي للناس ولطلبة كلية الطب، لأنه مبيتذاكرش طول السنة، وبيتخرجوا مش في بالهم أعراض الإصابه بأمراض فيه، الدكاترة الصغيرين مبيجيش في بالهم أعراض التهاب البنكرياس، وديه حاجة فظيعة"، مشيرا إلى أن آلام التهاب البنكرياس مبرحة".
وتابع أستاذ طب الحالات الحرجة بقصر العيني: "أهم آلام البنكرياس إنها بتسمع في الظهر، وأنا أشخصها وأنا مغمض، 97% من المصابين بالتهاب البنكرياس الحاد، المرض عندهم بيروح لوحده، و3% بيعكوا وبيحصل مشاكل"، مردفا: "أحذر من مبالغة المرضى الشديدة جدا في وصف الأعراض تضلل الدكتور، متفتكرش لما تبالغ أنا ههتم، لأني من سني وخبرتي بعرف المبالغ في ثانية، أنا اللي بيقولي أنا عندي تنميله في قلبي زي اللي بيقولي أنا بموت، والاثنين عندي سواء".
ونوه أستاذ طب الحالات الحرجة بقصر العيني، بأن التهاب البنكرياس يحدث نتيجة تحرك حصوات المرارة، وتناول الخمور "الكحوليات".
