«مش عيب ولا حرام».. الباز يدافع عن الصحفيتين الضاحكتين بجنازة مصطفى درويش

أعرب الإعلامي محمد الباز، عن استياءه الشديد من الجدل المثار حول انتشار صورة لصحفيتين وهما تضحكان أثناء تغطية جنازة الفنان مصطفى درويش، الذي غيبه الموت بشكل مفاجئ أمس الإثنين، عن عمر ناهز 43 عاما.

ودافع الباز، عن الصحفيتين، في منشور عبر صفحته الرسمية بموقع التواصل الاجتماعي "فيسبوك"، قائلا: "الصحافة مفيش فيها عيب ولا حرام.. الصحفى اللى بيغطى الجنازة بيعمل شغله، مش رايح يعزى.. اللياقة تقتضى إنه يراعى الأصول ويظبط انفعالاته، لكن الاحتراف بيقول إنه بلا مشاعر، لأن مراعاته لحزن أهل الميت أو بكاء أصدقائه ممكن جدا يعطله عن إنه يعمل شغله".

وأضاف الباز: "الزميلتين اللى غطوا جنازة مصطفى درويش الله يرحمه كانوا بيعملوا شغلهم، وحتى لو ابتسموا لثوانى بسبب موقف - كلنا ممكن يحصل معانا كده بالمناسبة - فده لا يعيبهم ومش من حق حد ينصب لهم محكمة، الموضوع ممكن يخلص بالتنبيه بمراعاة اللياقة، دون عقاب أو عتاب، لأن مفيش خطأ من الأساس".

وواصل: "الناس اللى بتطالب بوضع بروتوكول لتغطية الجنازات، الموضوع سهل.. أسرة المتوفى أيا كان اسمه أو وظيفته ممكن تعلن إن الجنازة بدون صحافة أو تصوير وده حقهم، زى الأسر اللى بتكتفى بأخد العزا على المقابر.. لكن لو فيه صحافة وتصوير، فده شغل الصحافة ووضع التصوير ومحدش هيقدر يمنع حاجة، مش هتبقى قدام الصحفى لقطة مهمة ويقول والله بلاش عشان محدش يزعل".

كما نشر صورة أخرى جديدة للصحفيتين، أثناء تغطية الجنازة دون ضحك، معلقا عليها: "الصورة للزميلتين فى نفس الجنازة من غير ضحك أو ابتسامات".