بعد إحيائه حفلين في جدة.. تامر عاشور: «يومين استثنائيين في حياتي».. صور

وجه المطرب والملحن تامر عاشور، رسالة عقب إحيائه حفلين متتاليين في جدة بالمملكة العربية السعودية، كأول مطرب عربي.

ونشر تامر عاشور، مجموعة صور من حفله بجدة، وذلك عبر حسابه الشخصي بموقع التواصل الاجتماعي فيسبوك، وعلق قائلا: "اتشرفت بأني أكون أول مطرب مصري يحيي حفلتين كاملتين العدد يومين ورا بعض، في الغالية على قلبي جدة".

واستكمل: "يومين استثنائيين في حياتي ومشواري، اللي بدأته مع أهل المملكة، خطوة خطوة من البداية حتى الآن، بتعب ومثابرة ومجهود علشان أوصل لليومين دول، كل هذا بفضل ربنا ثُم الجمهور السعودي".

وتابع: "بدعم كبير وثقه من الرائد حبيبي وأخي أبو ناصر، الداعم الأول للفن والإبداع عامة وليا خاصة في المملكه بلا توقف، ثم الأهل والأصحاب وهم شركه بنش مارك فرد فرد اللي ماشاء الله شغالين زي الساعة، بكل حب ورضا وابتسامه تفتح نفسك على اي شيء".

اقرأ أيضًا: ناقصنا شوية رحمة في قلوبنا.. أول تعليق من أصالة على حملات إلغاء حفلها في مصر

ثم وجه الشكر لبلده قائلا: "عايز أشكر مصر وجمهور مصر بلدي اللي كل الفضل يرجعلهم بعد ربنا في كل ما وصلت ليه، كل الشكر للفرقة الموسيقية بقيادة المايسترو الأهم هاني فرحات، مش علشان الحفله بس علشان التعب والبروڤات والجهد والسهر ثم النتيجة، وبالمناسبه دي النهارده بقالي تقريبا 20 سنة بغني ليكم، وكوّنت في آذهانكم ذكريات كتير أنا فخور بده، وده مش معناه أن سنّي كبير أنا عمري 22 سنه تقريبا، فتحبوا تقولولي إيه بالمناسبه السعيدة دي؟".