«هو إحنا بناكل من بيت أبوك؟».. عمرو أديب يفتح النار على مرتضى منصور بسبب الزمالك

فتح الإعلامي عمرو أديب، النار على مرتضى منصور رئيس مجلس إدارة نادي الزمالك المعزول، بعد الأزمات الأخيرة التي ضربت القلعة البيضاء.

وقال عمرو أديب خلال استضافته لسليمان وهدان عضو مجلس الإدارة: "لأول مرة حد هيتكلم من مجلس إدارة الزمالك، بشكل واضح ومطول، حد غير مرتضى منصور، لأنه دائمًا من يتحدث من إدارة الزمالك يكون مرتضى منصور".

وتابع: "إحنا عندنا نادي في مهب الريح، قضية شيكابالا والنادي مطالب بدفع مليون ونصف مليون دولار، طيب هل في فلوس في النادي ولا مفيشـ، الفلوس محجوز عليها ولا لأ؟ إحنا بنعرف من مرتضى منصور بس، هو الوحيد اللي بيتكلم، بيقعد الناس تلاميذ قدامه ويسمعوا".

عمرو أديب: الزمالك أصبح صندوق مغلق

وواصل: "مجلس الإدارة الموجود هل له رأي ويمثل شئ؟، إحنا لا نعرف أي شئ عن نادي الزمالك، فهو صندوق مغلق في منزل مرتضى منصور وولاده".

وشدد: "النادي مش بتاع حد دا ملك الدولة، إحنا بنتكلم عن الشغبية الثانية، لكن إنه يتساب كدة ويتبهدل كدة، ويبقى مش لاقي ياكل".

وأضاف: "رئيس النادي المعزول قال لعامل هقبضك منين؟، أنا محدش يكلمني على مرتبات، روح شوف هتجيبوا مرتباتكوا منين، طيب هنعمل إية للزمالك؟"

اقرأ أيضًا: «هل مرتضى منصور مسنود؟».. سؤال مفاجئ من عمرو أديب لعضو إدارة الزمالك

عمرو أديب يقارن بين الخطيب ومرتضى منصور

وأكمل عمرو أديب تصريحاته: "مرتضى منصور كل شوية بيقول أنا ماشي، وأبقوا شوفوا هتاكلوا منين؟، ليه هو إحنا بناكل من بيت أبوك؟، يعني إية هتاكلوا منين؟، هو مش النادي دا ليه رعاية وليه دخل، مش ملك مرتضى منصور منصور"؟.

واختتم: "هو الخطيب ممكن يعامل خالد مرتجي والعامري فاروق كدة، أبدًا فيه مجلس إدارة في الأهلي، لكن في الزمالك في مرتضى منصور وأولاده".