حسين حجاج عن تعرضه للتنمر: «كنت هضرب 3 شباب والتمثيل ملوش أمان»
كشف الفنان حسين حجاج عن موقفه من تعرضه للتنمر في التسعينات، وعن سر تمسكه بمهنة تصليح السيارات حتى الآن، وعن سبب رفضه للعمل مع المنتج أحمد السبكي، وذلك خلال لقاءه في برنامج "المنسي" مع الإعلامية إنجي هشام.
قال حسين حجاج: "كنت شغال مسرح تبع جلال الشرقاوي ومسرحية لأحمد آدم وكنت طالع من المسرح 3 ونص الفجر، ومكنش معايا عربية لقيت 3 شباب في سن العشرينات وقعدوا يقولوا شوفت إيده عاملة ازاى، رحت قالب عليهم الوش التاني وكنت قادر أضربهم".
سر تمسك حسين حجاج بمهنة تصليح السيارات
أما عن سر تمسكه بمهنة تصليح السيارات، قال حسين حجاج: "من سنة ٨٦ اشتغلت في ورشة تصليح سيارات ودخلت التمثيل وأنا شغال في نفس المهنة ومقعدتش في القاهرة خالص لأني مش حاببها، لما بيكون عندي تصوير بس ببات فيها وتاني يوم برجع المنيا، وليه مشروع ناجح اقفله وفي ناس بتاكل عيش فيه؟".
وأضاف: "التمثيل مالوش أمان، أعرف ممثلين كتير مش لاقية تاكل والممثل اللي النهاردة ميعملش مشروع جنب الفن خسران كل حاجة، في فنانين دلوقتي مش لاقيين ياكلوا".
اقرأ أيضًا: بعد هوجان والنمر.. محمد صلاح العزب يعتذر عن كتابة مسلسل محمد إمام في رمضان 2024
