محمود سعد يكشف تفاصيل مكالمته مع عادل إمام: «صوته زى ما هو»
كشف الإعلامي محمود سعد عن رأيه في التصريحات الأخيرة للفنانة مادلين طبر عن الزعيم عادل إمام، حيث طالبت أسرته بالإفراج عنه والسماح له بالتواصل مع جمهوره.
قال محمود سعد خلال برنامجه "ونس" عبر موقع "يوتيوب"،: "مادلين طبر مع كل التقدير ليها ماتعرفش، فقالت حابسينه وياريت أسرة عادل إمام تفرج عنه وكأنه طفل ليس له إرادة ويعطوه تعليمات، إزاي بس الكلام ده الزعيم ابن الحلمية".
تفاصيل مكالمة محمود سعد وعادل إمام
وكشف عن مكالمة جمعته بالزعيم، قائلًا: "حدثت مكالمة بيني وبين عادل إمام من حوالي شهر وكلمني وصوته زى ما هو وهروح أزوره قريب فياريت الناس لما تكون مش عارفه تسكت، أنا كان حظي حلو واتعرفت على عادل إمام سنة 1987، لإن الاقتراب من عادل إمام حاجه صعبة".
اقرأ أيضًا: تفاصيل شخصية فتحي عبد الوهاب في «الحشاشين»
وتابع: "عادل إمام كان مشغول جدًا وساب مسئولية البيت لزوجته هالة الشلقاني وأنا حضرت معاه بيوته من أول بيت لحد دلوقتي، شوفت بيته في شارع النخيل ونادي الصيد وفي المنصورية، وعرفت قد إيه أسرته بيحبوا بعض وشوفت قد إيه هو بيهتم بأخواته".
واختتم كلامه قائلًا: "عادل إمام نجم كبير وعنده فلوس لكنه إنسان مصري من الحلمية حريص إنه تكون أسرته متكاملة وهو متولدش نجم بالعكس تعب كتير وشقى، وياريت محدش يقرب من عائلة متماسكة ويقول أى حاجة، لإن مستحيل رامي أو محمد أو سارة يأذوه لأنهم بيحبوه".
اقرأ أيضًا: عزت أبو عوف «المبهج».. خطفه الفن من الطب وأحب «فاطيما»
