أوس أوس: كنت أتمنى أعمل دور جعفر العمدة وهتجوز 14 مش 4
حل الفنان محمد أسامة "أوس أوس" ضيفا على برنامج الراديو بيضحك، الذي تقدمه الإعلامية فاطمة مصطفى، عبر محطة راديو 90 90، وكشف "أوس أوس" خلال الحلقة عن كواليس مشاركة النجم عمرو يوسف كضيف شرف بفيلم مستر إكس، كما أعرب عن أمنيته بتقديم شخصية محمد رمضان في مسلسل جعفر العمدة.
أبرز تصريحات محمد أسامة ببرنامج الراديو بيضحك
وتحدث الفنان محمد أسامة عن تفاصيل فيلمه الجديد مستر إكس، "في للفيلم أحمد فهمي كان عايز يعمل منظمة لحل مشاكل الناس اللي عاوزين يتطلقوا، وفكرنا لحد ما الفيلم وقف على رجليه والكاست كله اتجمع، وورق الفيلم كان ماسك نفسه".
وتابع أوس أوس: "احنا بنشكر الفنان عمرو يوسف لأنه وافق يعمل المشهد، واحنا في العرض الخاص بتاع الفيلم مراتي قالتلي عمرو يوسف شبهك جدا، وكان عاجبني دوري، وهو وسط المنظومة والتركيبة دي، وهو العنصر اللي مش فارق معاه أي حاجة ولا عنده مبادئ، وهدفه في الحياة يستمتع ويتبسط، ودا كان أقل الأفلام اللي ارتجالنا فيها".
تصريحات محمد أسامة عن مسلسل جعفر العمدة
كما تحدث الفنان محمد أسامة، عن المسلسلات التي شاهدها خلال شهر رمضان المنقضي 2023، فقال: "في رمضان اللي فات أنا اتفرجت على مسلسل جعفر العمدة وتحت الوصاية، وأنا كان نفسي أعمل دور الفنان محمد رمضان في جعفر العمدة".
وأردف محمد أسامة قائلا: "أنا كنت هتجوز 14 مش 4، والمخرج محمد سامي من مخرجين الدراما المهمين جدا، وطبعا الفنان محمد رمضان نجم مش بأي حاجة غير بموهبته، وهو ممثل قوي جدا".
محمد أسامة يكشف تفاصيل فيلم رمسيس باريس
وفي الحلقة ذاتها، كشف الفنان محمد أسامة عن مشاركته في بطولة فيلم رمسيس باريس، فقال: "في الفيلم، كان محمد ثروت عنده مشاكل ومش عارف يسافر فرنسا عشان كان كان بيصور مسلسل اللعبة في مصر، وكلموني عشان أجي مكانه، وقولتلهم تمام وقريت الدور، وسافرت على فرنسا، وقعدت يومين ولقيت ثروت جه، قولتله حلال عليك وهرجع أنا".
واستكمل أوس أوس حديثه، وقال: "وبعدها لقيت حمدي الميرغني حماة اتوفى، فرجع مصر وقتها قالولي استنى لحسن حمدي ميعرفش يرجع وتعمل دوره، بعدها حمدي رجع، فقالولي اطلع معانا ضيف شرف".
اقرأ أيضا..
غدًا.. أوس أوس ضيف برنامج «أسرار النجوم» مع الإعلامية إنجي علي
