إلهام شاهين عن «ألفريدو»: «الشخصية مش غريبة عليا لإني عاشرت فنانين عندهم زهايمر»
كشفت الفنانة إلهام شاهين عن كواليس تحضيرها لحكاية الفريدو من مسلسل 55 مشكلة حب، التي يتم عرضها حاليًا عبر شاشة قناة ON، إذ تقدم شخصية سيدة مصابة بمرض الزهايمر، مشيرة إلى أنها وقعت على المسلسل دون أن تقرأه بمجرد سماعها عن الشخصية فقط.
قالت إلهام شاهين في فيديو نشرته بوسي شلبي عبر حسابها على "إنستجرام" على هامش افتتاح مهرجان الإسكندرية السينمائي: "ردود الأفعال على حكاية الفريدو جميلة قوي وبشكر كل زمايلي وكل الجمهور والنقاد، وأنا الأدوار السايكو دراما اللي فيها حاجات عقلية بتستفزني وبتزود جوايا التحدي".
إلهام شاهين تتسائل ليه الفنانين بيصابوا بـ الزهايمر في نهاية حياتهم؟
وأضافت إلهام شاهين: "النوعية دي من الأدوار بتستهويني قوي وبدرسها كويس، وقريت كتير في علم النفس والمرض ده بالتحديد كان شاغلني، وده لإني شوفت كتير من زمايلنا الفنانين بيعانوا من ألزهايمر، وساعتها بدأت أسأل ليه الفنانين بيحصل معاهم كده في نهاية حياتهم، واتفقت على الدور ده من قبل ما اقراه".
إلهام شاهين: التمثيل مش مهنة أنا مجنونة بيه
وتابعت: "أنا في المطلق سخيفة لما بيتعرض عليا أدوار، ومش بقول إني متحمسة للدور، لا بقعد أقولهم لازم ألاقي حاجة جديدة لأني عملت كل حاجة، لكن لما المنتج قالي ده دور واحدة عندها زهايمر قولتله أنا مضيت أهو من غير ما اقرأ، ومش بيهمني أكون موجودة كل سنة لأني مش واخدة التمثيل مهنة أنا مجنونة بالتمثيل".
اختتمت إلهام شاهين كلامها، قائلة: "أنا بدأت اظبط في شكل الشخصية أول ما قالولي زهايمر، كان قبل التصوير بشهرين، وخدت مني فترة تحضير، رغم إن الشخصية مش غريبة عليا الشخصية لأني عيشت مع ناس كتير عندهم زهايمر وفنانين وده مخزون بيكون جوانا".
حكاية ألفريدو
تُعرض حاليًا حكاية الفريدو من مسلسل 55 مشكلة حب، ويقدم بطولتها الفنان أحمد فهمي، ندى موسى، إيمان السيد، أحمد فريد، أمير شاهين، عمر شرقي، محسن صبري، عابد عناني، من إخراج عصام نصار، والتأليف عمرو محمود ياسين.
اقرأ أيضًا: سر رفض إلهام شاهين تقديم مسلسل عن الإمام الشعراوي
