أيتن عامر: ”تنازلت عن قضيتي ضد طليقي لأنه أبو أولادي”

حلت الفنانة أيتن عامر ضيفة على برنامج "العرافة" الذي تقدمه الإعلامية بسمة وهبة، على شاشة قنوات "المحور والنهار"، وتحدثت خلال لقاءها عن تفاصيل خاصة بطليقها وعلاقتها بطليقها محمد عز العرب لأول مرة.

تصريحات أيتن عامر

وقالت الفنانة أيتن عامر: "فيه رجالة مش محترمة كتير وأنا لو ست مش محترمة أطلع أسرار علاقتي بطليقي برة، والست اللي تقول حاجة وحشة عن طليقها بعد الانفصال ست مش محترمة".

وتابعت أيتن عامر حديثها عن خلافتها مع طليقها داخل الكومباوند: "الأمن الخاص بالكومباوند هو اللي بلغ عن طليقي أما سمعوا الخناقة مش أنا ولو عايزين تعرفوا التفاصيل أسألوهم، أنا مبلغتش النجدة، وأمن الكومباوند هو اللي اتصل بيهم وأي خبر انكتب عني مش صحيح، ومش لازم ناخدها على محمل الجد، كلنا عارفين أنه فيه مواقع بتكتب حاجات محرفة عشان تلم مشاهدات وقرءات".

وأردفت أيتن عامر: "أي اتنين بينفصلوا بيكون في بينهم خلافات ولكن في مواقع كتير بتحرف الموضوع، مبحبش مشاكلي ومشاكل بيتي تبقى موجودة للعلن لأن دي مساحتي الشخصية ليا ولأولادي، واتنازلت عن قضيتي ضد محمد عز العرب لأن أنا وأبو أولادي مش هنقف قدام بعض في المحكمة".

اقرأ أيضا: تطورات الحالة الصحية لـ أيتن عامر بعد أزمتها الأخيرة