كيف دعم النجوم هنا الزاهد بعد وعكتها الصحية الأخيرة؟

زكتبت على الصورة: "اللهم أشفيني، فأنت القوي لا شافي سواك، اللهم أنت أعلم بوجعي، ربي اشفني شفاءً لا يغادر سقمًا، عاجلًا غير آجل، اللهم أخرج كل سوء ومكروه من جسدي".

وتفاعل عدد كبير من النجوم على الصورة، حيث كتبت النجمة دنيا سمير غانم "ألف سلامة عليكي يا حبيبتى ربنا يحفظك يارب"، بينما علقت النجمة ياسمين صبرى قائلة "سلامتك يا أجمل هنا".

وقالت النجمة وفاء عامر"ألف مليار سلامة حبيبتي"، وكتبت الفنانة آيتن عامر: "أمين يا يارب"، وعلق النجم علي ربيع "ألف سلامة يارب"، وقال الفنان أوس أوس: "سلامتك ياهنا تقوم بالسلامة يارب"

وكتبت النجمة هبة مجدي"آمين يارب"، وشارك الفنان طارق الإيبياري بتعليق"سلامتك ألف سلامة..ربنا يتمم شفاكي يارب".

وقالت الإعلامية سمر يسري: "اللهم آمين..سلامتك حبيبتي"، وكتبت الإعلامية أسما شريف منير"حبيبتي أتحسدتي، سلامتك ألف سلامة..ربنا يبعد عنك كل حاجة وحشة"، كما قالت الفنانة ليلي احمد زاهر"ألف سلامة عليكي يا حبيبتي".

ومازحها النجم مصطفي خاطر معلقا: "ألف سلامة عليكي يا هنا، ربنا يقومك بالسلامة، أهو ده اللي بناخده من فهمي".

يذكر زوجها النجم أحمد فهمي نشر بيان عبر صفحته الشخصية بموقع تبادل الصور والفيديوهات "إنستجرام" صورة هنا الزاهد بعد دخولها المستشفى، ولكنه حذفها مؤخرًا بناءً على طلب أهل زوجته، قائلًا: "عامة أنا ماليش فى الحركات دى خالص ولا عمرى كنت هجيب سيرة ولا أنزل صور زى دى وبقالى شوية بهزر مع صحابى الزملكاوية على الماتش، بس إحنا برا مصر "أنا وهنا" وبقالنا يومين بنروح لدكاترة عشان "هنا" تعبانة ودلوقتى رحنا لتالت مرة عشان تعبت تانى جدا".

وتابع: "بجد فى ناس مركزة أوى أوى أوى معانا لدرجة إن فى مهرجان (مش الجونة) كان من كام يوم مبيسألوش أى حد من الزملا عن الجائزة اللى واخدها لا بيسألوهم عننا وعن الفرح وعن تدخلى فى شغل "هنا"، بجد شكرا جدا لكل الناس اللى فرحنالنا من قلبها وربنا يديم النعمة، أما بجد اللى مركزين أرجوكوا الحياة مش ناقصة.. إحنا فى شهر العسل وبايتين أهو فى المستشفى".