موسى: كمامة بـ 3 جنيه هتمنعك تروح مستشفى ولا تكلم 105

ظهر الإعلامي أحمد موسى، وهو يرتدي الكمامة على الهواء، قائلا:"هو ده الحل كمامة بـ 3 حنيه رخيصة وبسيطة، كمامة هتمنعك تروح المستشفى".

وأضاف موسى، خلال برنامج "على مسئوليتي"، المذاع على قناة "صدى البلد" :"الكل نزل من بيته عشان يشوف شغله مش هنقعد في البيت، بس لازم نلتزم، في أماكن بتبيع الكمامة بـ 6 أو 7 جنيه، بس المهم تشتريها وتلبسها لإنها الأمل الوحيد لأي شخص وهتمنعك تكلم 105".

اقرأ أيضًا.. وزيرة الصحة: ”لم نصل لذروة كورونا.. ومحدش يخرج من بيته من غير كمامة”

واستكمل:"رايح البنك أو السوق أو أي مكان البس كمامة واحمي نفسك، مدورش على دكتور ولا مسئول، انت عارف الحل وفي إيديك هي كمامة بـ 3 جنيه، وفي نقص في وجود الكمامة بس لازم الحكومة توفرها طالما بقى عندي عقوبة، ولازم تبقى رخيصة مش غالية عشان الناس تقدر تشتريها".

اقرأ أيضًا.. محافظ القاهرة يوجه بسحب رخص السائقين الغير ملتزمين بارتداء الكمامة

وعن عقوبة عدم ارتداء الكمامة، أكد موسى أن وزارة الداخلية تباشر عملها وقامت بعمل المحاضر اليوم لمن لا يرتدي الكمامة.