محكمة الأسرة اليوم 2020| ربة منزل في دعوى طلاق: جوزي بيقولي أحضر حفلة تبادل زوجات
"أنا مكنتش أعرف إن حياته كلها حرام، وعيشته هتكون عبارة عن حفلات يومية لتبادل الزوجات"، هكذا صرخت زوجة أمام محكمة الأسرة بمصر الجديدة لتبرر طلبها للطلاق.
وقالت الزوجة أمام محكمة الأسرة بمصر الجديدة: "اتجوزت من سنة وشهر، وعشت معاه حياة غريبة عليا، أنا مش متعودة ع الإنفتاح بالطريقة، سهر وشرب وخمر وتجاوزات غريبة آخر الليل".
وأضافت الزوجة فى دعواها أمام محكمة الأسرة بمصر الجديدة: "قبل الجواز كنت عارفة إنه ذخص منفتح، بس عمره مافاتحني فى رغبته بموضوع تبادل الأزواج، ولا قالى عن حفلات السهر والخمرة، وبعد ٦ شهور صدمني بطلبه ده، فضلت أقول لنفسي إيه مصيبة وقعت نفسي فيها دي، وحسيت إني خلاص هتجنن".
وتابعت الزوجة فى دعواها أمام محكمة الأسرة بمصر الجديدة: "عرفني على أصدقاءه وقالي لازم اختلط بيهم واتعلم منهم، ولما رفضت ورديت عليه، هددني بفيديوهات صورها وأنا معاه، وقالى إنه ببساطة يقدر يغير صورته فى الفيديوهات ويحط شخص تاني، ويفضحني، خوفت منه ومن اللي هيعمله، وروحت لأهلي وطلبت الطلاق بس مقدرتش أقولهم السبب، فرفضوا أهلي وأهله الطلاق، ورجعت البيت مرغمة، بحاول أتجنبه وبقيت بقفل الأوضة بتاعتى طول ماهو فى البيت، وعشت أسوأ فترة فى حياتي كلها، بصلي وبدعي ربنا يخرجني من المصيبة دي".
اقرأ أيضَا: محكمة الأسرة اليوم 2020| مراتي سابت شغلها وبتهد البيت
وأكملت الزوجة أمام محكمة الأسرة بمصر الجديدة: " لما كان بيشوف صديقة ليا كان بيحاول يعلقها بيه، ويخليني أستضيفها فى البيا عشان يعرف يختلى بيها هو وأصحابه ويمارس معاها العلاقة المحرمة ".
واستطردت الزوجة أمام محكمة الأسرة بمصر الجديدة: "لما زهق مني طلب بكل صراحة ووقاحة إني أمارس العلاقة المحرمة مع صديقه، ومن يومها وأنا كارهة نفسي، هربت ولجأت لأهلي فرفضوا يحرروا محضر عشان الفضايح وكأنها جريمتي، ورفعوة دعوى طلاق" .
