محكمة الأسرة اليوم 2020| جوزي ضرب ابني على عينه عشان بياكل
"جوزي بيضرب العيال لو أكلوا، ومش بيرضي يعالجنا لو تعبنا، اكتشفت بخله بعد ٣ شهور جواز"، هكذا وقفت زوجة أمام محكمة الأسرة بشبرا الخيمة تطالب بالطلاق بعد 12 سنة جواز .
اقرأ أيضًا: بعد 8 سرقات.. عصابة سرقة مساكن الشروق في قبضة قوات الأمن
وقالت الزوجة فى دعواها أمام محكمة الأسرة بشبرا الخيمة: " عمري ماتخيلت إن فيه شخص زى جوزي على وجه الأرض، بيخبي الأكل مني أنا وعيالي، وبيأكل نفسه، بيعاملنا بالميزان، وبيعاقبنا بالضرب لو أكلنا ولا صرفنا جنيه زيادة ".
وتابعت الزوجة فى دعواها التى تحمل رقم ٣٦٥٧ لعام ٢٠٢٠، أمام محكمة الأسرة بشبرا الخيمة: " بعد ٣ شهور جواز، اتضح إنه شخص فى العالم، شخص مادي كش بيهتم غير بالأكل والفلوس ويجمعهم لنفسه، حتي لما مرضت وكنت بموت رفض أكشف، وكل مابغضب وبسيب البيت أهلى يرجعوني تحت مسمي، دا كله ليكي ولولادك، لحد ماخلفت ٣ ولاد".
وأضافت الزوجة أمام محكمة الأسرة بشبرا الخيمة: "ولادي ورثوا الحرمان من أبوهم، ابني اللي فى ابتدائي على طول بيشتكي من ابوه، ولما هدومه بتتقطع وبيطلب بدالها هدوم، أبوه بيضربه لحد مايكسرله عضمه، بحجة إنه مسرف، ووصل بيه الأمر إنه غصب على الولاد يدخلوا جمعية بمصروفهم اللي هو عبارة عن جنيه واحد، ولما واحد من الولاد صرف الجنيه بتاعه، أبوه معرفش يمسك أعصابه وفضل يضرب فيه، لحد كافتح عنيه بالمقص، ومن وقتها وأنا عند أهلي، وطالبة الطلاق، جوزي مش فقير عشان يعمل فينا كده ويخلينا نمد إيدينا ونشحت".
