تعليق ناري من بلال سرور على أزمة حمادة هلال
علَّق الملحن بلال سرور على أزمة حمادة هلال، عبر صفحته الرسمية على موقع التواصل الاجتماعي "فيس بوك" بشأن أغنية “بشوقك” التي قدمها تامر حسنى قائلًا: "بمناسبة وصول أغنية عيش بشوقك 130 مليون، وعشان جالي كذا تعليق، متضايقين من طريقه تعليقي على اللي قاله الفنان حمادة هلال، فأنا بعتذر أولًا وثانيًا اسمحولي أرد، صديقي الفنان مصطفى حسن، كلم حمادة هلال، وطلب منه يجيلنا يجرّب صوته على غنوة مهمة، حمادة جالنا وجرب الأغنية وعجبته، وكان يوم جميل وكله تمام".
وتابع سرور: لفترة كبيرة أنا مش متذكّر، هي قد إيه كنا بنحاول نكلم حمادة وأبعتله رسايل، ومفيش أي نوع رد منه لا بالسلب ولا بالإيجاب، بيروح أفراحه وشغله عادي وحفلاته ويسافر ويرجع وبرده ما بيردش، بيقابل فنانين وبيسمع أغاني تانية عندهم وبرضه مبيرجعلناش يقولنا ناوي يعمل إيه، بعد ما صلينا استخارة، وسمعنا الأغنية لصديقنا المنتج هاني محروس، اللي كان بيحضر إنه ينتج أغنية للفنان تامر حسني في التوقيت ده واتفقنا إن الأغنية يغنيها تامر حسني، وبرده حماده مش ظاهر فالصورة".
اقرأ أيضًا: انهيار وبكاء.. لقطات من جنازة إياد داوود في مسجد مصطفى محمود.. صور
واستطرد: الغنوة سجلناها وبدأ تامر تصويرها، هنا ظهر الفنان حمادة، وبدأ يكلم مصطفى حسن، يلا أنا جبت منتج للأغنية تعالوا ننفذها وهو هيحاسبكم، الفكرة بالنسبة للفنان حمادة إنه ما كا نش عايز يشتري الأغنية هو كان راكنها وبيدور على حد يشتريها، احنا طبعًا اتصدمنا وفهمناه أن الأغنية اتباعت، طبعًا هو كان متضايق جدًا، بس ده في شغلنا شيء طول الوقت وارد، لأن انت ملتزمتش معانا بحاجة، ولا حتى بتقدير إنك تتواصل معانا".
وتابع بلال سرور: "حمادة اتضايق جدًا، وبقى بيطلب مننا بأي شكل نرجع الغنوة وإن المنتج هيديكوا اللي انتم عايزينه، احنا طبعًا كنا التزمنا مع هاني محروس والفنان تامر حسني، وأنا بقسم بالله ومش محتاج أحلف إني من كتر ما صعب عليا حمادة، فكرت أنا ومصطفى نستأذن تامر ونرجعله الأغنية".
وكان الملحن بلال سرور قد نشر تعليقا عبر صفحته على موقع التواصل الاجتماعي فيس بوك، يرد فيه على الفنان حمادة هلال بشأن أغنية بشوقك والتي غناها تامر حسنى.
تفاعل الجمهور
وتفاعل الجمهور مع بلال سرور يؤكد أن الفنان الذي يقصده هو حمادة هلال، وقال بلال عبر فيس بوك: "مرة فنان كلمناه أنا والشاعر مصطفى حسن، يجيلنا يجرب غنوة بصوته، الفنان ده جه وغنى واتبسط، ثم اختفى 6 شهور ما بيردش حتى على تليفون، فالأغنية راحت لصاحب نصيبها، يقوم الفنان الأولاني يبدأ يطالب بأحقيته في الغنوة دي ويدعي إنها أغنيته وإنه تعب فيها!! الكداب بيروح النار".
أصل المشكلة
وكان حمادة هلال قد ظهر فى برنامج حبر سري مع الإعلامية أسما إبراهيم قائلا: أغنية بشوقك دي غنوتي، قعدت أشتغل عليها 6 شهور، وتعبت فيها والملحن والمؤلف عارفين كويس وانشغلت في مرض أمي حوالي أسبوعين".
وأضاف الفنان حمادة هلال، خلال حواره ببرنامج "حبر سري" مع الإعلامية اسما إبراهيم، على قناة القاهرة والناس، أنه بدأ يتكلم بعد الأسبوعين لتنفيذ الأغنية وفوجئ بأن الأغنية ذهبت في اتجاه تاني، متابعا: "كلمت فريق العمل وقلت لهم دي غنوتي وحقي ده حرام وفجأة راحت في حتة تانية".
واستكمل: "أنا كنت فرحان بالأغنية دي، وكنت اقدر أزعل اللي حولوا مسار الأغنية وكنت ممكن انزل تاني يوم بها على السوشيال ميديا ولكن استعوضت وربنا عوضني بعدها علطول بأغنية اشرب شاي وكسرت الدنيا وبقت غنوة وإعلان".
