«كفاية تنمر علينا».. شاهد.: حمو بيكا يدخل في نوبة بكاء بسبب هاني شاكر
رد المطرب حمو بيكا، على حديث الفنان هاني شاكر بعد منعه من الغناء حفاظًا على مصر، قائلا: "محدش بيحب مصر قدي".
وقال حمو بيكا، خلال لقائه مع برنامج "حبر سري"، المذاع على فضائية "القاهرة والناس": "وإحنا صغيرين كنا بنسمع للأستاذ هاني شاكر لكنه تنمر علينا كثيرا".
وأوضح أن هاني شاكر، كان في إحدى الندوات، وتنمر عليه بسبب عدم معرفته القراءة والكتابة، بينما الناس في الخارج يحترمونه ويقدرونه.
وتابع: "أنا موجوع وتعبان، كفاية تنمر علينا، خلاص مش كل واحد يبقى عنده سلطة يتحكم في البشر، ربنا خلقنا وهو اللي هيحاسبنا".
وأضاف: "لو اتمنعت من الغناء هموت نفسي لأن مش هيكون عندي حاجة أبكي عليها، بقالي خمس سنين بعاني وأعافر".
وفي إشارة إلى نقيب المهن الموسيقية، قال بيكا: "أنتوا اللي مبسوطين ومعاكم قصور وكتير ومستكترين علينا يبقى معانا فلوس بس عمرنا ما بصينا ليكم، وأبويا كان على باب الله، وربنا أعطانا عشان أساعده، كنا قاعدين في أوضة وصالة وهو كان قاعد في قصر".
اقرأ أيضًا: مراسل «إكسترا نيوز»: الأجهزة الروسية تنتظر نتائج التحقيق في انفجار سفينة بحرية.. فيديو
ووواصل باكيًا: "عايزين نشم نفسنا، ليه بتكتم علينا، وعايز توصلنا لإيه، إحنا غلابة سيبنا في حالنا، عندك قصر وفلوس، افتكر ربنا".
واختتم حديثه بالقول: "عملت عمرتين فضلت أدعي على الناس دي، أنت عيشت وأكلت حرام عليكم سيبونا نعيش شوية".
اقرأ أيضًا: «متحدث الصحة»: السن المناسب يجب توافره في الرجل والمرأة عند الزواج.. فيديو
