الفن

بعد تجاهل بوسي وفاة والدها.. الجمهور: ”مش فاضية اتجوزت غني وعايشة عيشة مش بتاعتها”

الإثنين، 8 أغسطس 2022 05:40 مـ بتوقيت القاهرة

أثارت المطربة بوسي جدلا واسعًا خلال الساعات الماضية، عقب تجاهلها لخبر وفاة والدها الذي رحل عن عالمنا صباح أمس الأحد الموافق 7 أغسطس، عقب معاناة مع المرض، وتردد أن بوسي لم تحضر جنازته كما أنها لم تُنعيه حتى الآن، ما جعل الجمهور يغضب منها.

"الطريق"، يستعرض تعليقات الجمهور للمطربة بوسي بعد تجاهلها لوفاة والدها.

الجمهور غاضبًا من المطربة بوسي

كتب أحد الجمهور تعليقًا على تجاهل بوسي لوفاة والدها، وقال: "هى لم تحترم كبر سنه وممكن مع الكبر يكون هناك أخطاء كان لازم عليها تجاوزها، هذا الخطأ لكبر سنه، ولكنه الجحود أيها العباد إن الله غفور رحيم، فأين أنتم من مغفرة الله".

وقال آخر: "خالي الغناء والرقص والفلوس تنفعك يا بوسي ربنا سبحانه وتعالى وبر الوالدين إحسانًا، بالك انتي أبوك تسيبيه لوحده ويموت على كرسي وهو مش راضي عليكي مهما كان طالما ما كفر بالله، الواجب إنك تسالي عليه".

كما أن من الهجوم الذي طال بوسي أيضًا: "حتي لو كان قاسي عليها ومصرفش وخلافه، بس سبحان الله هو أبوها مهما كان الإنسان لما يكبر بيبقي ضعيف ولا حول له ولا قوه، كانت ترضي ربنا وتعتني بيه في آخر أيام حياته، عشان ربنا يرضي عنا، ربنا يرحمه".

وهاجمها أخر عبر السوشيال ميديا، وكتب رسالة للمطربة بوسي: "ربنا يرحمه الراجل ويسامحه استريح لأن بنته مكنتش بتسأل عليه وكان بيشحتها شحاته على السوشيال ميديا إن هى تيجي تشوفه أو تصرف عليه أو تجيبله العلاج ويوم ما جابوه على التلفزيون وعلى الصفحة منظر شقته ومنظر اللي هو كان قاعد فيه كان يحزن".

وتابع: "كانت أخذته قعدته عندها بدل ما كان يموت وحيد بس هى مش فاضية اتجوزت واحد غني عشان تعيش عيشة مش بتاعتها وللأسف نسيت أبوها ونسيت الدنيا اللي هو فيها بس على فكرة داين تدان والدنيا صغيرة اللي حصل في أبوها هيحصل فيها، الدنيا عاملة زي الكرة الأرضية بتلف وحسبنا الله ونعم الوكيل في الأبناء اللي بيهملوا أهاليهم حتى خرجته ممشيتش فيها استغفر الله العظيم يا رب عليها".