ياسمين عز للمتزوجات: «مش شايلة هم أني خربت بيتك بكلامي».. فيديو

وجهت الإعلامية ياسمين عز، رسالة للفتيات الصغيرات، اللاتي يتابعن برنامجها، وينبهرن بكل تفصيلة على شاشة التلفزيون، قائلة: "عايزة أقول حاجة للبنات الصغيرة التي تشاهدنا وتكون منبهرة بينا على الشاشة وبيقولوا دول ياما هنا وياما هناك".

وأضافت ياسمين عز، خلال برنامجها "كلام الناس" المُذاع على قناة إم بي سي مصر: "البنات بتقول إن اللي على الشاشة شغل وفلوس وشهرة وفوق كل دا ممشيين الرجالة زي ما هما عايزين".

اقرأ أيضًا: الخشت: «لولا الجيش المصري لما نعمت مصر باستقرار».. فيديو

وتابعت: "أنا ضد اللي البعض بيعمله وهو أني أطلع على الشاشة أقول عكس اللي بعمله في بيتي وبقول الكلام ده علشان متتخدعوش"، مضيفة: "البنت اللي بتطلع على الشاشة غنية ومشهورة ولابسة وعاملة مكياج، هي زيها زيك بالضبط بتقول حاضر ونعم وتسمع الكلام ومش أحسن منك في حاجة".

وأردفت: "الحمد لله بنام وضميري مرتاح جدا، لأني بدعو للسكينة والمودة والاحترام ومش هغير ده، ومش بنام شايلة ذنب أني سخنتك على جوزك وخربت بيتك بكلامي".