رضوى الشربيني تتحدث عن خيانة الرجال: ممكن اتعرض للإغراءات

وجهت الإعلامية رضوى الشربيني رسالة لأحد الرجال عقب مهاجمتها للرجال الذين يخونون نسائهم.

رسالة رضوى الشربيني الجديدة

قالت رضوى الشربيني في رسالتها أن الرجل لا يخون إلا إذا تم وضعه تحت ضغط من الإغراءات الكبيرة أو أن سيدة استطاعت أن تضحك عليه.

وقالت الإعلامية رضوى الشربيني خلال برنامجها "هي وبس": "كلنا عارفين أن الرجالة بتخون، يا أما فيه راجل فرفوش بيحب الستات، يا أما مبدأه التعدد، ولكن أنه يخون تحت ضغط دي أول مرة أسمعها، فلو فيه أي واحدة بتتحرش بيك، أو شربتك حاجة صفرا وبتضغط عليك بطريقة معينة، روح بلغ عنها وماتحطش نفسك تحت أي صغط".

وأضافت رضوى الشربيني في حديثها: "قانون التحرش مش للستات بس، للرجالة كمان، روح بلغ عنها وإحنا كلنا في ضهرك، وأوعي تتكسف علي فكرة، لكن فكرة أن البحر يحب الزيادة فأحب أقول لحضرتك اننا في 2023 الحكاية بقت معكوسة عشان الرجالة بقت عاملة زي بوفيه الأكل المفتوح اللي الأكل بقاله من 4 لـ 5 ايام عليه، كل واحدة تعدي تأكل وتمشي وفيه اللي بطنها بتوجعها فمش بتكرر الاكل منه مرة تانية، وفيه اللي متعودة عل الأكل الحمضان ده".

رضوى الشربيني في برنامج هي وبس

واختتمت رضوى الشربيني حديثها، وقالت: "لو الضغوط دي لأن أنت زي الطفل مع الستات اللي بيمارسوها عليك، فأشمعني بتتحول لراجل علي مراتك وتفضل تشخط وتزعق وتجعر والجيران يفضلوا يسمعوك، واللا ماما طلعتلك أن ألف مين يتمناك، كده روح اتعالج عشان تكون راجل مش متاح أو محترم احتمال برضة" .
وأكدت الشربيني" علي فكرة أنا مش بهاجم الرجالة الخاينة، عشان مش هيستحملوا مني دقيقتين اتكلم عليهم، أنا بس بيتطلب مني أعلق علي حاجة من حد أو حد بيأخد رأي مش أكتر".

حفيد محمود ياسين يوجه رسالة لرضوى الشربيني

وعلى جانب أخر تحدث الفنان محمود عمرو ياسين، في رسالة للإعلامية رضوى الشربيني، عقب أن نشرت بث مباشر عبر حسابه بموقع فيسبوك، وهي تحاور متابعيها، ونشر فيديو للإعلامية رضوى الشربيني، عبر حسابه بموقع فيسبوك، وكتب عليها: "إيه موضوع بني جنسي ده، هي حرب، أنا كراجل عادي هدافع عن أي ست لو ليها حق في أي حاجه".