أمين الفتوى يحسم الجدل حول مستحقات الخاطب بعد فسخ الخطوبة
قال الدكتور محمد عبد السميع، أمين الفتوى بدار الإفتاء المصرية، أن المشرع المصرى اعتبر شبكة الخطوبة جزء من المهر، المكون من أربعة أجزاء، الشبكة ومقدم ومؤخر الصداق وقائمة العفش، وتستحقهم الزوجة كاملين حال الدخول، وتستحق نصفهم حال كتب الكتاب ولم يدخل.
وتابع عبد السميع ، خلال حلقة برنامج "البيت"، المذاع على فضائية "الناس": الشبكة أحد مكونات المهر وبالتالي تستحق كاملة حال الدخول بالزوجة، لكن إذا لم يحدث دخول وتفرقوا في حال الخطوبة ومن هنا بنبه الناس إن الخطوبة وعد بالزواج، ولا يجوز أن البنت أو الولد أو أولياء الأمور يعتبروا إنهم أزواج، وفى حال فسخ الخطوبة تصبح الشبكة من حال الخاطب، لأنها فلوسه وأمواله أمانة عندهم، لو حدث أى أشكالية يتم الرد دون غضاضة.
واستكمل أمين الفتوى بدار الإفتاء المصرية، "طيب أهل العروسة يقولك إحنا صرفنا وعملنا خطوبة وفرح أيوة أنتم عملتوا عشان تفرحوا بنتكم، مش عشان تأخدوا فلوس، فإذا فسخ الخطوبة فهذه إرادة الله بدل ما بنتكم تدخل وترجع تاني معاها طفل وتطلق".
ونوه الدكتور محمد عبد السميع، "لازم كمان نفرق بين الهدايا المستهلكة وغير المستهلكة، يعني مينفعش خاطب يقول لهم هاتوا التورتة أو الفستان، لازم نفهم لكن لو جاب ذهب أو موبايل غالى لا ده مش مستهلك لازم نرجعه، بس من الكرم وحسن الخلق ممكن يسيب وربنا يعوضه".
وحذر أمين الفتوى، من إفشاء الأسرار بعد فسح الخطوبة قائلا: "ده فجور فى الخصومة وليس من أخلاق الإنسان ومخالف للقرآن الكريم وسيدنا النبي، لازم نسمع كلام ربنا ونعمل بالفضل وبلاش بالعدل، ابتغاء مرضاة الله سبحانه وتعالى".
اقرأ..ايضا: دبلوماسى سابق: جولة السيسي الإفريقية ستعطي قوة دفع لموقف مصر في سد النهضة
