«الترسة متعذبة ومن غير مياه».. السوشيال ميديا تستغيث لإنقاذ سلحفاة بحرية مهددة بالإنقراض
تداول مستخدمي منصات التواصل الاجتماعي صورة لمخلوق يسمى «ترسة» وهي سحلفاة بحرية مهددة بالانقراض، قام باصطيادها صاحب أحد محلات الأسماك الكائن بعين شمس الغربية، إذ ظهرت في الصور وهي موضوعة على طاولة بجانب الأسماك الأخرى بدون مياه.
وبعد انتشار صورها عبر السوشيال ميديا قرر سكان المنطقة بعدم الشراء منه بسبب تعذيبه لهذه الكائنات البحرية ووضعها في مكان غير ملائم لها، ولكن صاحب المحل لم يهتم بتهديد الناس له، حيث طالب عدد كبير من المستخدمين بالإبلاغ عنه ومعرفة اسم المحل.
تعذيب سحلفاة بحرية
وفي هذا الشأن، قال صاحب المنشور ويدعى خالد مرسي: "بتاع السمك اللي عندنا جابها من البحر وحاططها كدا من غير مياه ومتعذبة جدًا والعيال رايحين جاين يضربوا فيها لو حدد يقدر يتصرف وياخدها البحر ياريت بجد".
وأضاف خالد: "محتاجين حد مسؤول أو مجموعة كبيرة علشان نقدر ناخدها نرجعها تاني لأن مش سهل نسيبها كده"، موضحًا في التعليقات عنوان المحل الذي يقع في شارع عين شمس الغربية بجوار محل معروف.
القانون يجرم صيد الترسة
وطالب عدد كبير من رواد التواصل الاجتماعي بشراءها مع التكفل بمصاريفها لإرجاعها للبحر بأقصى سرعة، حيث قال أحدهم: "اسأله بكام قبل ما يدبحها الحقه وقوله أنا هشتريها منك كده عايشه"، ورد آخر: "فين بتاع السمك دة عنوانه؟".
وتابع آخر: "بلغ عنه دي صيدها ممنوع يعملوله قضية ويقفلوله المحل واعتمد أنه الناس هتشتري هيجيبها أو يجيب غيرها ويعمل فيه كده تاني لازم بلاغ"، وعلق آخر: "هي الترسة أصلًا مينفعش تصطاد نهائي ومتجرمة أساسًا والمفروض يتبلغ عنه".
وواصل آخر: "القانون بيجرم صيد الترسة ومش عارف يتصرف علشان صاحب المحل مجرم بيخالف القانون والمفروض يتعمله محضر ويتقفله المحل ده خالص".
ما هي الترسة
الترسة هي حيوان السحلفاة البحرية وتعرف باسم «الترسة» نظرًا لأنها أهم الحيوانات المهددة بالإنقراض، ولكنها تتعرض إلى الصيد الجائر من قِبل الصيادين.
اقرأ أيضا: بالصوت والصورة.. تفاصيل تعذيب شاب من ذوي الهمم داخل دار رعاية
