الفن

تفاصيل إصابة الفنان إسماعيل فرغلي بورم في الأحبال الصوتية «فيديو»

الإثنين، 4 سبتمبر 2023 05:45 مـ بتوقيت القاهرة

كشف الفنان إسماعيل فرغلي، تفاصيل إصابته بورم في الأحبال الصوتية، خلال تصوير مسلسله الأخير "مكتوب عليا" الذي جرى عرضه في رمضان الماضي 2023، إلى جانب حديثه عن علاقته بزوجته التي استمرت لمدة 26 عاما.

قال إسماعيل فرغلي خلال لقاءه في برنامج "المصري أفندي": "جالي ورم في الأحبال الصوتية وقت ما كنت بصور مسلسل مكتوب عليا، وساعتها رحت لدكتور صاحبي قالي انت بخير بس فيه حباية طالعة بس، وعملت إشاعة على الغدة قالوا في ورم لازم يتشال وكنت ساعتها بصور المسلسل".

إصابة إسماعيل فرغلي بورم في الأحبال الصوتية

وأضاف إسماعيل فرغلي: "قولت للدكتور أنا بصور المسلسل قالولي حياتك أهم ولا المسلسل، بس الحمد لله ربنا كرمني بدكتور قالي خلص تصوير وبعد العيد نعمل العملية، ولما دخلت المستشفى قولت لمراتي محدش يقولي سلامتك سيبوني مع اللي خلقني، وساعتها قالولي الورم كبير على الأحبال الصوتية وكان ممكن تتشال لو الدكتور مش كويس".

وتابع: "لما فوقت من العملية كنت خايف أتكلم صوتي ميطلعش، قولت الحمد لله وأنا مكنتش أعرف صوتي راح ولا طلع ولا إيه، وبعد أسبوع بنشوف الورم طلع حميد الحمد لله وكنت بصلي وأنا مكسوف ادعي قولت لربنا كفاية اللي عملته معايا".

إسماعيل فرغلي يتحدث عن علاقته بزوجته

كما تحدث الفنان إسماعيل فرغلي، قائلًا: "زوجتي بقالها معايا 26 سنة، ومش لاقي حاجة أقولها عليها هى كتر خيرها، وبطلب من الناس تدعيلها ربنا يشفيها لأن هى الرزق اللي بجد في حياتي، وربنا مدانيش فلوس لكن إداني الأحسن، لإن ممكن يكون معاك مليارات ومتقدرش تعيش، أنا بجنيه بعيش بألف جنيه بعيش مفيش عايش برضو، وزوجتي عمرها ما طلبت الطلاق ولا مرة لكن قالتلي كلمة وجعتني قالت أنا قلبي وجعني من قلة الفلوس".

آخر أعمال إسماعيل فرغلي

يشار إلى أن الفنان إسماعيل فرغلي شارك ضيف شرف في فيلم "العميل صفر"، الذي تم طرحه في دور العرض السينمائي بالتزامن مع موسم الصيف، والفيلم بطولة الفنان أكرم حسني، أسماء أبو اليزيد، مصطفى غريب، منذر رياحنة، فيدرا، فاطمة البنوي، أيمن الشيوي، ومن إخراج كريم العدل.