الفن

فريدة سيف النصر تعلن تعرضها للسرقة من خادمتها

السبت، 23 سبتمبر 2023 08:23 مـ بتوقيت القاهرة

كشفت الفنانة فريدة سيف النصر عن تعرضها للسرقه أكثر من مرة من مدبرة منزلها، مؤكدة أنها تعرضت للسرقه أكثر من مرة ولكنها لم تفعل شيء ضدها.

فريدة سيف النصر تتعرض للسرقة :

ونشرت فريدة سيف النصر بوست عبر حسابها الرسمي على فيسبوك وقالت:

"لما يكون عندك حد نافعك أوي؛ لأن مش أي حد يحب الكلاب، وأنت كل شوية حاجات بتتاخد بجد مش هزار وحاجات باينه أوي، يعني هدوم مش أي حاجة لازم ينقصوا يتاخدوا على نصين مرتين واختفاء قصري، ترجع ترمي لك نص فتتخيل أنك أنت اللي مادورتش وفجأة اختفاء كامل".

وأضافت: "ده بقى غير مفروشات قسمًا بالله أطقم كاملة بمخداتها ونظارات، اكسسوار، جزم، أدوات مطبخ كاملة، والله العظيم ما بقى في حاجة كاملة خالص أول بأول، ومفيش حد تاني بيعمل الحاجات دي خالص عشان تشك في اتنين".

واستكملت: "أول ما تغير مكان حاجة بحجة النظام أعرف إنها هتاخدها أو تلخبط الأدراج وكله يتكعبل في كله، أما أنا فأنشغل في حاجات وحاجتي فعلا تختفي، أعمل إيه؟ أواجها وأنا مبحبش أحرج حد واجرحها؟ ولا أمشيها واحتاس ودول عائة كاملة نافعاني؟، ولا أروح عندهم على غفلة زي ماقالوا لي.. وطبعا مش ممكن أبدًا أعمل كده".

واختتمت: "بجد زهقت ومحتارة سرقة علني، وطبعًا بيتفتح عليا بالمفتاح وأنا في سابع نومه.. ومع الأسف بدي الأمان لكل الناس.. تعبت.. والله تعبت.. حسبي الله ونعم الوكيل.. قولولي أعمل إيه؟".

أخر مشاركات فريدة سيف النصر

شاركت الفنانة فريدة سيف النصر مؤخراً في مسلسل "جعفر العمدة" الذي عرض في موسم رمضان 2023، بطولة النجم محمد رمضان، منة فضالي، إيمان العاصي، هالة صدقي، أحمد داش، أحمد عبد الله، منذر ريحانة، زينة، مي كساب، طارق النهري، مجدي بدر، وغيرهم من الفنانين، ويعد المسلسل من تأليف مهاب طارق وإخراج محمد سامي.